Firma «Tuson» adnaviła paśla zboju amal usio kasavaje abstalavańnie
TAA «Tuson» adnaviła pracu ŭsiaho abstalavańnia, paciarpiełaha ŭ vyniku kasavaha zboju. Zastałosia krychu bolš za 200 aparataŭ, jakija nie mieli patreby ŭ apieratyŭnaj naładcy, piša Office Life z aporaj na słovy pradstaŭnika kampanii.
«Na piatnicu minułaha tydnia my adnavili prykładna 98,5% usiaho parka abstalavańnia. Astatnija 200 ź lišnim adzinak — heta kasy, jakija albo nie vykarystoŭvajucca, albo heta padmiennaje abstalavańnie, albo toje, jakoje płanujecca ŭstalavać u abjektach, što chutka adkryjucca, i jano jašče budzie rychtavacca da hetaha», — paviedamili ŭ «Tusonie».
U kampanii paćvierdzili, što prajšło ŭžo prykładna dva tydni, jak handal pracuje ŭ štatnym režymie, a adnaŭleńnie viałosia paralelna.
Maštabny zboj u pracy kas adbyŭsia 2 studzienia i zakranuŭ handlovyja sietki «Oma», «Vostraŭ čyścini i smaku», «Jeŭraopt», zapraŭki «Biełarusnafta» i inš. Da ranicy 3 studzienia mnohija ź ich užo zapracavali. U pieršuju čarhu adnaŭlałasia abstalavańnie na kruhłasutačnych zapraŭkach i abjektach sietkavaha handlu.
Čytajcie taksama:
«Tuson» raskazaŭ, kolki kas zastałosia adramantavać paśla maštabnaha zboju i kolki času heta zojmie
Kramy «Vostraŭ čyścini i smaku» nie pracujuć, u inšych kramach i na zapraŭkach prablemy z apłataj. Što adbyvajecca?
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant26
Kamientary