Polskaje MUS: Rašeńniaŭ Łukašenki ab pazbaŭleńni hramadzianstva Polšča pryznavać nie budzie, takija ludzi atrymajuć dakumienty
18 studzienia adbyłasia čarhovaja sustreča pracoŭnaj hrupy ŭ MUS Polščy, padčas jakoj abmiarkoŭvali aktualnyja pytańni źmienaŭ u zakanadaŭstvie Biełarusi pa pazbaŭleńni hramadzianstva i prajaznych dakumientaŭ dla biełarusaŭ, paviedamlaje Centr biełaruskaj salidarnaści.
Na sustrečy prysutničali stałyja čalcy pracoŭnaj hrupy Kryścina Rychter z Ofisa Śviatłany Cichanoŭskaj, kiraŭnica jurydyčnaha adździeła Centra biełaruskaj salidarnaści Volha Dabravolskaja, a taksama pradstaŭnik Nacyjanalnaha antykryzisnaha ŭpraŭleńnia Arciom Praskałovič.
Namieśnik ministra ŭnutranych spraŭ Polščy Bartaš Hradziecki zapeŭniŭ, što
polskija ŭłady rašeńniaŭ Łukašenki ab pazbaŭleńni hramadzianstva pryznavać nie buduć i tyja biełarusy, jakija pad heta patrapiać, pa-raniejšamu ŭ ich vačach zastanucca hramadzianami Respubliki Biełaruś.
I na ŭzroŭni ŭsiaho Jeŭrasajuza Polšča budzie abaraniać takuju ž pazicyju.
Što ž datyčyć pašpartnaj prablemy, jakaja ŭ suviazi z hetym usio ž niepaźbiežna paŭstanie, to polski MUS prapanuje hramadzianam Biełarusi karystacca polskim padarožnym dakumientam.
Zhodna sa źmienami ŭ polskim zakanadaŭstvie, pryniatymi ŭ 2022 hodzie,
biełarusy, jakija atrymali časovy vid na žycharstva na padstavie humanitarnaj vizy, tak zvany «humanitarny pobyt» (pavodle polskaha zakonu — pobyt pa inšych padstavach), taksama mohuć z 1 studzienia 2023 hoda atrymać taki padarožny dakumient.
Raniej takaja mahčymaść była ŭ asobaŭ sa stałym pobytam i dadatkovaj achovaj.
Novy ŭzor polskaha padarožnaha dakumienta byŭ pradstaŭleny MUS Polščy padčas sustrečy.
Dla vyrašeńnia ž prablem sa zhublenymi biełaruskimi pašpartami i pašpartami sa skončanym terminam dziejańnia prapanavana pašyryć koła biełarusaŭ, jakija mohuć atrymać novy padarožny dakumient. Heta, praŭda, zapatrabuje asobnych źmienaŭ u zakanadaŭstvie.
Čytajcie taksama:
Biełarusy ŭ Litvie, u jakich skončyŭsia pašpart, zmohuć atrymać inšy dakumient
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj5
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1515
Kamientary