«Tyja, chto viartajecca, pavinny stać jašče bolšymi jabaćkami, čym tyja, chto tut», — zajaviŭ siońnia Łukašenka na naradzie. A jak heta dakazać?
Adkryć jačejku «Biełaj Rusi» ŭ emihracyi, padpisacca ŭ telehramie na ŭsich prapahandystaŭ? Jak budzie vyznačacca, ci dastatkova ty jabaćka?
Voś vierniecca čałaviek, uładkujecca ŭ dziaržaŭnuju ŭstanovu, budzie trymacca ŭbaku ad abmierkavańnia palityki i lubych vostrych razmoŭ. Hetaha dastatkova ci nie?
Možna pajści dalej i pa viartańni niekalkich tysiač «źbiehłych» arhanizavać ich źjezd u Pałacy sportu. Z kalektyŭnym pakajańniem i chryščeńniem u jabaćki ad manachini Haŭryiły. I ŭsio heta tranślavać — nie ŭ žyvym efiry, kaniečnie — nie daj boh, štości pojdzie nie pa płanie.
Łahična budzie sklikać jašče adnu kamisiju — pa jabaćkaŭskim pytańni. Uklučyć tudy pravieranuju deputatku Ananič, Azaronka i Hładkuju, Karpiankova i Vaskrasienskaha. Tym, chto vytrymaje płanku łajalnaści, na vychadzie — paśviedčańnie i majku z łukašenkaŭskaj cytataj. Miłaści prosim u naša hramadstva.
A paśla raz na kvartał abychodzić usich pakvaterna. Praviarać, ci staić na palicy «biestsieler» ad Švieda «Hienacyd biełaruskaha naroda», ci lažyć na časopisnym stoliku vypisanaja «Sovietskaja Biełoruśsija», ci zamienieny epłaŭski noŭtbuk na navinku ad «Haryzonta». Ci jašče plintus, z-pad jakoha nielha vysoŭvacca, nadziejna trymaje čałavieka ŭ dazvolenych ramkach.
Napeŭna, tak vyhladaje viartańnie ludziej z-za miažy va ŭjaŭleńni łukašenskaŭskaj sistemy.
Na siońniašniaj naradzie, padajecca, prosta ŭraŭnavali ŭsich, chto źjechaŭ za miažu — i tych, chto bieh ad palityčnaha pieraśledu, i tych, chto prosta rełakiejtnuŭsia, bo pracadaŭca pieranios ofis u inšuju krainu. Maŭlaŭ, vinavatyja aŭtamatam usie, a kamu možna biaśpiečna viartacca — raźbiarucca ŭ indyvidualnym paradku.
Jak trapna žartujuć u sacsietkach, chto hatovy prajści «filtracyju» dla viartańnia?
(hartajcie nižej, kab čytać sajt dalej)
«Naša Niva» — bastyjon biełaruščyny
PADTRYMAĆ-
«Temu hienacydu biełaruskaha naroda prydumali rasijanie i padsunuli heta ŭ jakaści scenaryja dla mabilizacyi biełarusaŭ»
-
Ci možna budavać Biełaruś pa-za miežami Biełarusi? Dyskutavali Jahoraŭ, Harbacki, Juhasia Kalada
-
«Darahija rasiejskamoŭnyja biełarusy! Vy pakidajecie niezamknionymi dźviery chaty, za jakimi ŭžo staić kodła bandytaŭ»
Kamientary