Žurnalista Paŭła Padabieda nie vypuścili na volu paśla troch sutak
Stali viadomyja niekatoryja padrabiaznaści zatrymańnia videaapieratara Paŭła Padabieda, jaki pry zahadkavych abstavinach «źnik» udzień 20 studzienia, paviedamlaje Biełaruskaja asacyjacyja žurnalistaŭ.
U minułuju piatnicu Pavieł vypraviŭsia na poštu, kab apłacić navučańnie syna. Paśla było zapłanavanaje naviedvańnie jašče adnaho adrasa, ale tudy ŭžo jon nie patrapiŭ — prosta raptam pierastaŭ vychodzić na suviaź.
Z ulikam taho, što na pošcie jon paśpieŭ aformić tolki adzin płaciež ź niekalkich, vysokaja vierahodnaść, što zatrymali jaho mienavita tam.
Prynamsi sam fakt zatrymańnia Pavieł paćvierdziŭ u telefanavańni svajakam — praŭda, biez udakładnieńniaŭ, što kankretna jamu inkryminavali. Tolki paśpieŭ paviedamić, što ŭ kvatery adbyŭsia pieratrus.
Z vonkavaha ahladu žylla rodzičy zrabili vysnovu, što źnik kampjutar i, vidavočna, inšyja nośbity infarmacyi — uklučna z telefonam, jaki ŭ Paŭła Padabieda byŭ pry sabie.
Praz troje sutak, jakija prajšli z času zatrymańnia, apieratara na volu nie vypuścili.
Čytajcie taksama:
U Minsku zatrymali apieratara Paŭła Padabieda
Ciapier čytajuć
Deputat Kliševič staŭ kandydatam histaryčnych navuk z dysiertacyjaj pra razłažeńnie biełaruskaha kamsamoła ŭ časy «pierabudovy»5
Deputat Kliševič staŭ kandydatam histaryčnych navuk z dysiertacyjaj pra razłažeńnie biełaruskaha kamsamoła ŭ časy «pierabudovy»
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary