Zapis ab abaviazku śpiavački biełaruskaha pachodžańnia Anžaliki Ahurbaš pa isku ŭnitarnaha pradpryjemstva «Biełźniešhandal Biełkaapsajuza» prybrany z banka źviestak Fiederalnaj słužby sudovych prystavaŭ Rasii, piša Sputnik.
Raniej u hetym rejestry značyłasia suma kala 6 młn rasijskich rubloŭ (kala 230-240 tys. biełaruskich). Heta było abaviazacielstva za partyju futravych vyrabaŭ, jakija Ahurbaš brała na realizacyju ŭ «Biełźniešhandlu Biełkaapsajuza». Damovu baki zaklučyli ŭ listapadzie 2018 hoda.
Ahurbaš pavinna była rehularna pieraličvać hrošy ad prodažaŭ, ale nie rabiła hetaha. U vyniku kampanija ź sistemy Biełkaapsajuza padała isk u Ekanamičny sud Minska. U 2021-m jon byŭ zadavoleny, i materyjały pieradali ŭ Rasiju, dzie pastajanna žyvie śpiavačka. U śpisie vyrabaŭ, jakija jana pavinna była viarnuć (abo vypłacić hrošy) byli futry, futravyja kamizelki, sumki i hałaŭnyja ŭbory.
Jak śpiavačka załahodziła hetuju spravu, pakul što infarmacyi niama.
Čytajcie taksama:
«Biełkaapsajuz» praciahvaje vajnu z Anžalikaj Ahurbaš — niama ni hrošaj, ni futraŭ
«Lepiej adsiedžu, ale ŭciakać nie budu». Anžalika Ahurbaš raskazała pra «futravy isk» na $82 000 i novuju kryminalnuju spravu
Rasijskija prystavy pa zapycie biełaruskaha boku spahaniajuć z Anžaliki Ahurbaš bolš za $80 tysiačaŭ
Na sustrečy Snapkova ź biznesam adzin z zaprošanych zaklikaŭ źniać videazvarot «Nado!» Jak adreahavali astatnija?12
Kamientary
https://nashaniva.com/?c=ar&i=283216