Ad 30 kvadrataŭ. Jakija sučasnyja mikradamy pradajuć u vakolicach Minska
Pahladzieli, jakija malupasieńkija chatki prapanuje rynak nieruchomaści.
Panaramnaje akno i elektryčnaje aciapleńnie
Samy maleńki z vystaŭlenych na prodaž mikradamoŭ maje ahulnuju płošču ŭsiaho 30,3 m². Karkasny domik biez čystavoha adstrojvańnia acenieny na 29 900 dalaraŭ.
![](http://nashaniva.com/img/w732d4webp1/photos/z_2023_01/16d74eeffd-ca7pj.jpg.webp)
Žyłaja płošča doma składaje 26,5 m², ź jakich 19 prypadaje na kuchniu-haścioŭniu. Aproč hetaha, u domie jość nievialiki asobny pakoj płoščaj 7,4 m². Dadatkovyja spalnyja miescy možna zładzić na «druhim» paviersie.
![](http://nashaniva.com/img/w732d4webp1/photos/z_2023_01/3a19933292-3k8yy.jpg.webp)
U dom praviedzienyja śviatło i vodapravod. Aciapleńnie pracuje ad elektryčnaści. Budynak staić na paleva-vintavym padmurku. Budynak uciepleny 15-santymietrovym słojem minieralnaj vaty — hetaha dastatkova, kab całkam zachoŭvać ciapło.
Dom pradajecca razam z učastkam pamieram 11 sotak. Znachodzicca jon za 30 kiłamietraŭ ad Minska ŭ vioscy Ščoki, što niepadalok ad Putryšak i MKAD-2.
Haściavy dom jak asnoŭny
U vioscy Drazdova, što ŭsiaho za 3 km ad MKAD, pradajecca draŭlany domik płoščaj 42 m². Za dom i ŭčastak płoščaj 15 sotak prosiać 160 tysiač dalaraŭ. Miesca vielmi ž dobraje — blizka da horada.
![](http://nashaniva.com/img/w732d4webp1/photos/z_2023_01/74576ac324-709vz.jpg.webp)
Miarkujučy pa apisańni, nievialički karkasny dom pradaŭcy razhladajuć chutčej jak časovaje žytło, u jakim možna pažyć, pakul nie pabudujecca inšy paŭnacenny katedž. Paśla čaho draŭlany domik z terasaj možna budzie pierarabić pad haściavy domik.
![](http://nashaniva.com/img/w732d4webp1/photos/z_2023_01/6d9efddda0-byuiq.jpg.webp)
«Śvidravina, kanalizacyja miascovaja, haz pobač. Jość paleva-vintavy padmurak pad łaźniu», — havorycca ŭ apisańni da abjekta. Paznačany ŭzrovień hatoŭnaści abjekta — 90%.
Chata z kraju
Za 57 500 $ pradajuć dom 2022 hoda pabudovy całkam hatovy da pražyvańnia. Ahulnaja płošča adnapaviarchovaha doma 54 m², žyłaja 35 m².
![](http://nashaniva.com/img/w732d4webp1/photos/z_2023_01/0a8209c16a-tl7tb.jpg.webp)
Dom pradajecca razam z meblaj i technikaj. Mieścicca jon u vioscy Michanavičy na ŭčastku pamieram 11 sotak. Adlehłaść doma ad Minska 17 kiłamietraŭ, pradaviec nazyvaje jaje «idealnaj». Učastak krajni, u domie nichto nie žyŭ.
![](http://nashaniva.com/img/w732d4webp1/photos/z_2023_01/fe264ce010-cief7.jpg.webp)
Aproč kuchni-haścioŭni, u domiku jość asobny spalny pakoj. Pry nieabchodnaści jość mahčymaść sprajektavać jašče adzin izalavany pakoj — tak paznačana ŭ apisańni.
![](http://nashaniva.com/img/w732d4webp1/photos/z_2023_01/4ab837d9f5-h1zq9.jpg.webp)
Aciapleńnie ŭ domie ad elektryčnaści, praviedziena 380 volt, jość śvidravina hłybinioj 38 mietraŭ, kanalizacyja miascovaja.
Dom z basiejnam
Za 89 500 dalaraŭ pad Minskam pradajuć śviežapabudavany dom, jaki hatovy da zasialeńnia. Ahulnaja płošča doma 55 m², žyłaja 38. Jość terasa.
![](http://nashaniva.com/img/w732d4webp1/photos/z_2023_01/a9c6d6ba02-2wxjw.jpg.webp)
Učastak pamieram 9 sotak užo dobraŭparadkavany, na im jość vuličny basiejn.
![](http://nashaniva.com/img/w732d4webp1/photos/z_2023_01/4e1e3393a7-e56lr.jpg.webp)
«Novy dom dla pastajannaha pražyvańnia z meblaj i technikaj dla nievialikaj siamji ŭ cichim prestyžnym miescy za 7 chvilinaŭ ad Minska. Nie dačnaje tavarystva, mahčymaść prapiski, a taksama pabudovy katedža bolšaha pamieru na ŭčastku», — havorycca ŭ apisańni da abjekta.
![](http://nashaniva.com/img/w732d4webp1/photos/z_2023_01/fec74a09e5-1sqwc.jpg.webp)
Žytło pradajecca razam z meblaj i technikaj. Na pieršym paviersie mieścicca kuchnia-haścioŭnia, sanvuzieł i saŭna. Druhi pavierch mansardnaha typu.
«Jon šukaŭ jaho dva hady»
Za 89 800 $ pradajecca adnapaviarchovy dom u vioscy Kurnievičy Minskaha rajona. Ahulnaja płošča budynka 55 m², žyłaja 41. Pamier učastka 15 sotak.
![](http://nashaniva.com/img/w732d4webp1/photos/z_2023_01/fb3877b7bb-ocfxu.jpg.webp)
Dom pradajecca razam z meblaj i technikaj. U im jość kuchnia-haścioŭnia płoščaj kala 19 «kvadrataŭ» i dva spalnyja pakoi 10,5 m² i 11,2 m².
![](http://nashaniva.com/img/w732d4webp1/photos/z_2023_01/e3cefb29b6-gahbw.jpg.webp)
Dom pabudavany z hazasilikatnych błokaŭ. Z centralnych kamunikacyj tolki elektryčnaść, tamu, jak i ŭ bolšaści inšych varyjantaŭ, aciapleńnie ŭ domie pracuje ad elektryčnaści. Vada i kanalizacyja miascovyja. Z pryjemnych bonusaŭ — učastak znachodzicca ŭ pryvatnaj ułasnaści, pobač raście les.
![](http://nashaniva.com/img/w732d4webp1/photos/z_2023_01/bae7705c39-oneu2.jpg.webp)
Pradaŭcy doma za 30 kiłamietraŭ ad stalicy padyšli da apisańnia abjekta z tvorčaściu i razyšlisia amal na dźvie tysiačy znakaŭ.
![](http://nashaniva.com/img/w732d4webp1/photos/z_2023_01/2023-01-275-e4ogd.png.webp)
Kamientary
pieršaja bytoŭka - heta ž ad 3%robim.baj
ci ja trochi nie raźbirajusia?