«Biełaruś 5» pakazała pirackija zapisy paŭfinałaŭ Australian Open z udziełam biełarusak
Telekanał «Biełaruś 5» 27 studzienia pakazaŭ u zapisie paŭfinalnyja matčy žanočaha adzinočnaha razradu na tenisnym turniry Australian Open z udziełam biełarusak Viktoryi Azaranki i Aryny Sabalenki, piša «Priessboł». Ale prava na tranślacyju kanał nie maje.

Pieršy paŭfinał, u jakim Viktoryja Azaranka sastupiła kazachstancy Alenie Rybakinaj, byŭ pakazany ŭ 12.00, druhi matč, u jakim Aryna Sabalenka pieramahła polku Mahdu Liniet, — u 16.00, kali ŭ prahramie stajała tranślacyja matča KCHŁ «Avanhard» — «Dynama» Maskva. Pakaz chakieja pačaŭsia z druhoha pieryjadu paśla zaviaršeńnia matču Sabalenki i Liniet.
Pravami na tranślacyju Australian Open u Jeŭropie vałodaje Eurosport, a taksama aŭstryjski Servus TV i šviejcarski SSG. «Biełaruś 5» ža ŭ hetym siezonie nie pakazvaje turniry VTA, nie było ŭ sietcy tranślacyj i papiarednich raŭndaŭ Adkrytaha čempijanatu Aŭstralii.
Kiraŭnik «Biełaruś 5» Pavieł Bułacki, pačuŭšy pytańnie karespandenta «Priessboła» adnosna tranślacyj Australian Open, razmaŭlać nie staŭ i pakłaŭ słuchaŭku.
Čytajcie taksama:
Rasija i Biełaruś buduć pazbaŭlenyja prava tranślavać Alimpijskija hulni — 2026 i 2028 hadoŭ. BT užo hatovaje da piractva
-
«Zabrali bujnuju sumu ŭ valucie». Što ciapier havorać na Mazyrskim NPZ pra zatrymańni svaich top-mieniedžaraŭ
-
Na miažy pamiž Ukrainaj i Biełaruśsiu da 9 maja pastavili prynahodnyja biłbordy FOTAFAKT
-
Kruty anansavaŭ pierachod u padliku achviar Druhoj suśvietnaj u Biełarusi ad «kožnaha treciaha» da «kožnaha druhoha»
Kamientary