Minskaje «Dynama» daterminova vyjhrała siarebranyja miedali čempijanatu Biełarusi pa futbole ŭ vyšejšaj lizie.
Paśla subotniaj parazy hałoŭnaha kankurenta na srebra mahiloŭskaha «Dniapra» ad «Minska» – 1:2, dynamaŭcam, kab daterminova stać druhimi, dastatkova było zhulać u niadzielu ŭničyju z žodzinskim «Tarpieda».
Što i zdaryłasia, u Kuncaŭščynie kamandy zhulali ŭničyju – 0:0.
Heta šostyja siarebranyja miedali «Dynama» ŭ nacyjanalnych čempijanatach (1996, 2001, 2005, 2006, 2008, 2009).
Siem razoŭ kłub byŭ čempijonam krainy (1992, 1993, 1994, 1995, 1995-vosień, 1997, 2004). Dva razy kłub zavajoŭvaŭ bronzu nacyjanalnaha čempijanatu (2000, 2003).
***
BATE siońnia ŭničyju zhulała z MTZ-RIPA – 2:2.
Pryčym minčanie viali ŭ liku 1:2, ale nie zdoleli pieramahčy.
Piać matčaŭ 24-ha turu prajšli ŭ subotu, pryčym u troch ź ich aŭtsajdery pieramahli pretendentaŭ na miedali.
Jak zhadvałasia, FK «Minsk» pieramoh na svaim poli mahiloŭski «Dniapro» – 2:1.
«Viciebsk» byŭ macniejšy, čym «Naftan» – 2:1, pryčym za apošnija piać chvilin hulni sudździa Čabykin nie zaličyŭ try hały, zabityja navapołackim kłubam.
«Nioman» pieramoh u Hrodnie salihorski «Šachcior», jaki zachoŭvaje šancy na treciaje miesca. Lik hetaha matču – 2:1.
«Dynama» Brest – «Hranit» – 3:1, «Smarhoń» – «Homiel» – 1:1.
BATE – 57, Dynama Minsk – 44, Dniapro – 37, Tarpieda – 36, Naftan, Dynama Brest, Šachcior – 35, Viciebsk, Nioman – 31, Minsk –30, Homiel, MTZ – 29, Hranit – 22, Smarhoń – 14.
***
BATE daterminova 5 kastryčnika zavajavaŭ załatyja miedali čempijanatu, staŭšy šosty raz čempijonam Biełarusi.
«Smarhoń» i «Hranit» daterminova vylecieli z vyšejšaj lihi. Na treciuju pucioŭku pretendujuć niekalki kamandaŭ. Na nastupny siezon u vyšejšaj lizie vystupiać 12 kłubaŭ, adzinuju pucioŭku ź pieršaj zavajavała «Biełšyna».
U 25-m tury 1 listapada zhulajuć:
«Minsk» – «Dynama» Brest, «Dniapro» – «Smarhoń», «Homiel» – «Dynama» Minsk, «Tarpieda» – BATE, MTZ-RIPA – «Nioman», «Šachcior» – «Vciebsk», «Naftan» – «Hranit».
Apošni tur projdzie 8 listapada.
