U Kalinkavickim rajonie znoŭ zatrymali byłoha palitviaźnia z ankałahičnym zachvorvańniem
16 sakavika ŭ Kalinkavickim rajonie byŭ zatrymany były palitviazień Alaksiej Ramanaŭ. Jon znachodzicca ŭ IČU, paviedamlaje «Radyjo Svaboda».
U kancy 2020 hoda Ramanava asudzili za abrazu Łukašenki na hod kałonii. Całkam adbyŭšy svoj termin, Alaksiej vyjšaŭ na volu 23 listapada. Paśla vyzvaleńnia ŭ Alaksieja zabrali druhuju hrupu invalidnaści, choć u jaho ankałahičnaje zachvorvańnie.
Alaksiej nie moh aficyjna ŭładkavacca na pracu ŭ suviazi z admovami, padpracoŭvaŭ na budoŭli i ramoncie. U adnoj ź viosak Kalinkavickaha rajona Alaksiej dapamahaŭ znajomaj z ramontam doma.
Napiaredadni, 15 sakavika, milicyja šukała jaho pa miescy rehistracyi ŭ Homieli. Sa słoŭ krynicy, supracoŭniki skazali, što pavinny zabrać jaho «minimum na troje sutak» «za padziei 2020 hoda». Jamu skazali ŭziać z saboj telefon dla pravierki «suviazi z zabaronienymi ŭ Biełarusi arhanizacyjami».
Paviedamlajecca, što Alaksiej Ramanaŭ abviaściŭ haładoŭku ŭ znak pratestu suprać niezakonnaha zatrymańnia.
Ciapier čytajuć
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary