Minabarony Ukrainy paviedamiła pra źniščeńnie kryłatych rakiet na poŭnačy Kryma pry ich pieravozcy
Kryłatyja rakiety «Kalibr-KN» źniščyli ŭ Džankoi padčas ich transparciroŭki na bazu Čarnamorskaha fłotu RF.
Ministerstva abarony Ukrainy zajaviła 20 sakavika, što ŭ vyniku vybuchu ŭ Džankoi na poŭnačy Krymskaha paŭvostrava byli źniščanyja rasijskija kryłatyja rakiety, pryznačanyja dla vykarystańnia Čarnamorskim fłotam RF.
«Vybuch u horadzie Džankoj na poŭnačy časova akupavanaha Kryma źniščyŭ rasijskija kryłatyja rakiety «Kalibr-KN« pry ich pieravozcy pa čyhuncy», — zajavili ŭ Hałoŭnym upraŭleńni raźviedki.
U paviedamleńni havorycca, što rakiety, pryznačanyja dla zapusku z nadvodnych karabloŭ Čarnamorskaha fłotu RF, majuć dalokaść dziejańnia bolš za 2500 kiłamietraŭ na sušy i 375 kiłamietraŭ na mory.
Kiraŭnik akupacyjnaj administracyi Ihar Ivin zajaviŭ, što horad padvierhsia napadu bieśpiłotnikaŭ, u vyniku abstrełu 33-hadovy mužčyna atrymaŭ askołačnaje ranieńnie. Jon byŭ špitalizavany, jaho stan aceńvajecca jak stabilny.
U vyniku ataki zaharelisia dom, škoła i praduktovaja krama, byli paškodžanyja elektrasietki.
Čytajcie taksama:
Ukrainskija bieśpiłotniki atakavali Džankoj — važny transpartny vuzieł na poŭnačy Kryma
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary