U Jekaciarynburhu žurnalista The Wall Street Journal zatrymali pa padazreńni ŭ špijanažy
Žurnalist vydańnia The Wall Street Journal Evan Hierškavič pierastaŭ vychodzić na suviaź sa svajoj redakcyjaj paśla pajezdki ŭ Jekaciarynburh. Pra heta paviedamlaje ŭralski pijarščyk Jarasłaŭ Šyršykaŭ, piša telekanał «Dožd́».
Sa słoŭ Šyršykava, Hierškavič braŭ intervju ŭ jaho ŭ Jekaciarynburhu dva tydni tamu. Sa słoŭ pijarščyka, žurnalista ŭ pieršuju čarhu cikaviła, jak u hramadstvie staviacca da «PVK Vahniera».
Adpracavaŭšy niekalki dzion u Jekaciarynburhu, Hierškavič palacieŭ u Maskvu, dzie, pavodle infarmacyi vydańnia «Viačernija viedamaści», jon pražyvaje. Adnak siońnia nočču Šyršykavu patelefanavała načalstva Hierškaviča i paviedamiła, što žurnalist viarnuŭsia ŭčora ŭ Jekaciarynburh i paśla hetaha pierastaŭ vychodzić na suviaź.
Jak paviedamlaje sa spasyłkaj na dźvie krynicy žurnalist Dźmitryj Kalazieŭ, Hierškaviča zatrymali. «Evan jeździŭ u Jekaciarynburh pisać pra staŭleńnie da vajny i pra viarboŭku miascovych žycharoŭ u PVK Vahnier», — udakładniŭ Kalazieŭ.
Napiaredadni čytač «Viačernich viedamaściaŭ» raspavioŭ vydańniu, što bačyŭ, jak la restarana Bukowski Grill, dzie Šyršykaŭ razmaŭlaŭ z Hierškavičam, zatrymali čałavieka. Jak miarkujecca, siłaviki zaviali jaho ŭ mikraaŭtobus, naciahnuŭšy na tvar švedar, piša vydańnie. Šyršykaŭ miarkuje, što zatrymanym moh być Hierškavič.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1515
Kamientary