Heta adbyłosia 5 listapada. Ličylnik Akavita.by uličvaje ŭsie ŭnikalnyja IP-adrasy, ź jakich naviedvajecca sajt.
Siarod całkam biełaruskamoŭnych sajtaŭ NN upeŭniena trymaje rej.
Za tydzień Našu Nivu naviedvajuć prykładna z 14 000 adrasoŭ. Pry hetym na sajcie adčyniajuć kala 130 000 staronak. Prykładna dźvie traciny naviednikaŭ — ź Biełarusi, astatnija — ź inšych krainaŭ.
Ličbu aktyŭnych naviednikaŭ ličylnik na siońnia vyznačaje jak 2700. Heta značyć, takaja kolkaść ludziej zachodziać na NN u štodzionnym ci amal štodzionnym režymie.
Darečy, čytač NN aktyŭny. Štodzień Redakcyja prymaje ad 300 da 400 kamientaroŭ da artykułaŭ. Heta taksama najbolš siarod usich biełaruskamoŭnych vydańniaŭ.
A jak vyhladaje aŭdytoryja NN u paraŭnańni ź inšymi hazietami? U Internecie NN adstaje ad sajtaŭ «Kamsamołki», naviny.by ci charter97, zatoje apieradžaje pa kolkaści stałych naviednikaŭ i pračytvanych staronak «Sovietskuju Biełoruśsiju», «Narodnuju volu», svaboda.org.
