4 listapada 2009 hoda hetaja suśvietnaja arhanizacyja pryznała, što małady čałaviek utrymlivajecca pad vartaj pa palityčnych matyvach.
Akcyja ŭ padtrymku biełaruskich palitviaźniaŭ. Žytomir, krasavik 2009 h.
Status viaźnia sumleńnia Iharu Koktyšu prysvoili niezaležna ad taho, ci budzie jon pieradadzieny biełaruskamu boku, paviedamiła jahonaja žonka Iryna Ciuciuńnik. Tym samym Mižnarodnaja amnistyja pryznała, što Ukraina, admoviŭšy Iharu ŭ atrymańni palityčnaha prytułku, paspryjała biełaruskamu boku ŭ pieraśledzie svajho hetaha čałavieka. Ciapier čalcy Mižnarodnaj Amnistyi rychtujuć publikacyi i ceły šerah akcyj, što buduć praciahvacca da momantu vyzvaleńnia viaźnia sumleńnia z-pad varty. Spravaj Koktyša zajmajecca Cheza Makhił z Łondanu.
Ihar Koktyš — chłopiec z Baranavič, jaki ad 25 červienia 2007 hoda ŭtrymlivajecca ŭ Simfieropalskim SIZA. Jon čakaje ekstradycyi ŭ Biełaruś, dzie maje adbycca sud za naŭmysnaje zabojstva. U listapadzie 2008 hodu Dziaržaŭny kamitet Ukrainy pa spravach nacyjanalnaściaŭ i relihijaŭ admoviŭ našamu ziemlaku ŭ atrymańni palityčnaha prytułku. U padtrymku Ihara dziejničaje admysłovy sajt.
