Kiroŭcu, zatrymanaha pa spravie ŭ Mačuliščach, pakazali na kadrach dopytu sa złamanaj skivicaj 4

Maksim Łapacin. Skrynšot videa ANT

U siužecie raskazvajuć, što Maksim Łapacin zabraŭ ukrainca Mikałaja Šviaca sa Stolina i dastaviŭ u Minski rajon, u viosku Čarciaž. Pieravieźci Šviaca, pa viersii prapahandy, jaho paprasiła psichaterapieŭtka Jaŭhienija Tačyckaja, jakaja ciapier žyvie ŭ Polščy.

Maksima Łapacina pakazvajuć na kadrach z dopytu. Źviartaje ŭvahu, što jon pramaŭlaje, ścisnuŭšy zuby. Vierahodna, jamu pry zatrymańni złamali skivicu — u jaho staić pratez na skivicy.

Pry pierałomie skivicy jaje šynirujuć. Charčavacca pry hetym možna tolki vadkaj ježaj praz trubačku.

Nahadajem, 26 lutaha na aeradromie ŭ Mačuliščach byŭ paškodžany kaštoŭny rasijski samalot A-50, ź jakoha navodzilisia rasijskija rakiety i drony na abjekty va Ukrainie. Paśla jon palacieŭ na ramontny zavod u Tahanroh. «Bajpoł» zajaviŭ, što heta sprava ruk biełaruskich partyzan. Paśla dyviersii prajšli abłavy ŭ niekalkich rajonach krainy. Pa infarmacyi siłavych orhanaŭ, zatrymana bolš za 20 čałaviek.

Čytajcie taksama:

Na ANT vypuścili film pra «sietku SBU» ŭ Biełarusi

KDB zajaviŭ pra datyčnaść da dyviersii suprać samalota ŭ Mačuliščach śpiecsłužbaŭ Polščy

Stała viadoma, chto taki Jakucik, pra jakoha pa ŭsioj Biełarusi dapytvali strałkoŭ, i ŭ čym jaho abvinavačvajuć

Kaho mienavita zatrymali ŭ vioscy Čarciaž? Heta siamiejnaja para, u ich dvoje dziaciej

1

5

2

2

8

79

Nashaniva.com