U Miorskim rajonie piacihadovaja dziaŭčynka pravaliłasia ŭ zatopleny padvał i zahinuła
Trahiedyja adbyłasia dniom 8 krasavika. Jak paviedamlaje Śledčy kamitet, dzieci hulali ŭ dvary pryvatnaha doma ŭ Miorskim rajonie. U niejki momant piacihadovaja dziaŭčynka źnikła z-pad uvahi i, jak akazałasia, patrapiła ŭ biadu.
![Zatopleny padvał, u jakim zahinuła dziaŭčynka](http://nnexpictures.fra1.digitaloceanspaces.com/img/w732d4webp1/photos/z_2023_04/photo_2023-04-08_162212-m8i9i.jpeg.webp)
«Mama stała šukać dzicia i zaŭvažyła, što list DVP, jaki zakryvaŭ uvachod u padvał składskoha pamiaškańnia, adsunuty.
Padyšoŭšy bližej, žančyna ŭbačyła žudasnuju karcinu: cieła svajho dziciaci ŭ zatoplenym padvale. Niežyvoje cieła dziaŭčynki z vady dastaŭ susied, jaki prybieh na dapamohu,
— paviedamlaje Śledčy kamitet. — Papiarednie ŭstanoŭlena, što padvał zapoŭnieny vadoj bolš čym napałovu, a jaho hłybinia składaje kala dvuch mietraŭ. Sa słoŭ svajakoŭ, dziaŭčynka viedała pra zatopleny padvał».
Ciapier na miescy zdareńnia pracuje śledča-apieratyŭnaja hrupa. Jana apytvaje svajakoŭ i susiedziaŭ zahinułaj. Pryznačanaja sudova-miedycynskaja ekśpiertyza.
Kamientary