Mintrans prapanavaŭ zabirać maršrutki ŭ niesumlennych pieravozčykaŭ
Pačynajučy ź lutaha pa ŭsioj krainie startavali maštabnyja rejdy Transpartnaj inśpiekcyi Mintransa i DAI pa praviercy vykanańnia praviłaŭ pieravozki pasažyraŭ i darožnaha ruchu kiroŭcami maršrutnych taksi. Padstavaj dla ŭzmocnienaha kantrolu pasłužyła trahičnaja avaryja pad Smalavičami, u vyniku jakoj zahinuli 11 čałaviek.
Transpartnaja inśpiekcyja pravieryła na pradmiet vykanańnia patrabavańniaŭ biaśpieki abłaŭtatransy i pradpryjemstvy pryvatnaj formy ŭłasnaści.
«Ciapier va ŭrad pradstaŭleny prapanovy pa ŭniasieńni źmianieńniaŭ u dziejnaje zakanadaŭstva. U tym liku jany dazvolać vyklučyć ź pieravozačnaha pracesu faktar niesumlennaj kankurencyi. U najbližejšy čas praduhledžvajecca nastupny krok — kanfiskacyja transpartnych srodkaŭ u pieravozčykaŭ, jakija ažyćciaŭlajuć rehularnyja pieravozki pasažyraŭ pad vyhladam zakaznych. Heta robicca dla taho, kab vyklučyć mahčymaść praciahu supraćpraŭnaj dziejnaści», — raspaviali ŭ ministerstvie.
U Mintransie adznačyli, što na praciahu sakavika inśpiekcyja praviała bolš za 50 kantrolnych zakupak. U vyniku było pravierana bolš za 1,2 tys. mikraaŭtobusaŭ. Da 957 transpartnych srodkaŭ pretenzij nie było. Razam z tym u śpiecyjalistaŭ uźnikli pytańni da pracy 428 kiroŭcaŭ mikraaŭtobusaŭ. Da prykładu, vyjaŭlena 47 parušeńniaŭ u častcy vykanańnia rehularnych pasažyrskich pieravozak biez najaŭnaści licenzii abo damovy z apierataram pieravozak pasažyraŭ u rehularnych znosinach.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim17
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3636
Kamientary