Arastovič ličyć, što mahčymaja druhaja rasijska-ŭkrainskaja vajna. I nazvaŭ mierkavanyja daty
Były daradca Ofisa prezidenta Ukrainy vykazaŭsia pra toje, što Ukrainie nieabchodna dobra padrychtavacca da druhoha raŭnda vajny.
Alaksiej Arastovič u intervju Inzie Mieziery zajaviŭ, što čakać adekvatnaści ad Rasii da 2035 hoda nie davodzicca.
«Jany šukajuć novuju formu impieryi, i jany jaje buduć šukać u tym liku za naš košt. Hetaja vajna moža być nie apošniaj».
Zvažajučy na vysokuju vierahodnaść paŭtoru vajny, Arastovič vykazaŭsia za toje, kab asnovaj dziaržaŭnaha płanavańnia Ukrainy da 2030 hoda stała niepaźbiežnaść druhoj rasijska-ŭkrainskaj vajny. I jon nazvaŭ jaje mierkavanyja daty — 2028-2029 hady.
«Kali my jakasna padrychtujemsia, jany na heta nie pojduć, razumiejučy, što znoŭ budzie pravał. Kali my jakasna nie padrychtujemsia, to ŭviadziom ich u spakusu paŭtaryć heta znoŭ. I chto b što ni havaryŭ, ja nastojvaŭ i budu nastojvać.
Asnovaj stratehičnaha płanavańnia Ukrainy pavinna stać padrychtoŭka da druhoj rasijska-ŭkrainskaj vajny. Voś tady my pabudujem pravilnuju dziaržavu, efiektyŭnuju ekanomiku, jakaja zmoža zabiaśpiečyć siektar dziaržaŭnaj biaśpieki i abarony», — zaznačyŭ Arastovič.
U paćviardžeńnie svajoj dumki jon prapanuje pahladzieć na płany refarmavańnia Uzbrojenych sił Rasii:
«Tam 16 novych dyvizij, udarnaja armija, padniaćcie kolkaści na 1,5 miljona čałaviek. Zrazumieła, da čaho jany rychtujucca. Jany rychtujucca druhi raz pieramahčy z ulikam siońniašnich pamyłak».
Arastovič pieraścierahaje hramadstva: «Kali my budziem «tanuć u sračach», praciahvać kraści i raspaviadać adno adnamu, na jakoj movie pravilna kamandavać, to my prajhrajem».
«A toje, što jany patonuć u resantymiencie, toje, što Pucin ci nie Pucin budzie imknucca paŭtaryć druhi raŭnd, pieramahčy, dakazać, pałamać, heta ja daju 101 pracent», — śćviardžaje były daradca Ofisa ŭkrainskaha prezidenta.
Arastovič adznačyŭ, što šmat chto nastrojeny na paślavajennuju dapamohu, jakaja dazvolić pravieści rekanstrukcyju krainy. Ale treba pamiatać historyju:
«Historyja Izraila śviedčyć pra toje, što treba raźličvać tolki na samich siabie. Buduć sajuźniki — dobra. Ustupim u NATA i ES — vydatna. Heta najlepšy varyjant praduchilić vajnu. Ale pieršapačatkova treba ličyć, što my adny. I kali my heta prymiem, i tak pačniom płanavać i dziejničać, to ŭ nas dobry šaniec.
Nielha raźličvać na toje, što ŭ Rasii pieramoža niechta adekvatny. Ničoha nie budzie. Budzie ci Pucin, ci bolšy varjat. Adziny varyjant — razvał Rasii. Ale pakul nijakich prykmiet na heta niama».
Paźniej u svaim telehram-kanale Alaksiej Arastovič źviarnuŭ uvahu na hetuju častku intervju i dadaŭ:
«Ci hatovy my da ekanomiki i dziaržaŭnych rašeńniaŭ mabilizacyjnaha typu? Nie ŭpeŭnieny. Miarkujučy pa nastrojach u hramadstvie, ja pakul navat nie baču namioku na adpaviednaje razumieńnie. Što ž, kali treba pastavić pytańnie — ja pastaviŭ».
Čytajcie jašče:
«Heta vielmi surjoznaja pieramoha». Arastovič padziakavaŭ biełaruskim partyzanam
Arastovič raskazaŭ, jak na pačatku vajny zachodnija palityki čakali ad Ukrainy kampramisu
Ciapier čytajuć
«Da akcyi dałučylisia tolki marhinały». Što pisaŭ u čatach paśla svajho vykryćcia kadebešnik, adkazny za biełaruskuju emihracyju1
Kamientary