Tak zapatrabavaŭ premjer-ministar Siarhiej Sidorski
Premjer-ministar Siarhiej Sidorski padčas abmierkavańnia vynikaŭ raboty Biełaruskaj čyhunki za minułyja paŭhady zapatrabavaŭ nie vypłačvać premii kiraŭnictvu pradpryjemstva da vychadu čyhunki na zadadzienyja pakazčyki. «Siońnia vykanany 1 z 10 daviedzienych pakazčykaŭ, -- zajaviŭ premjer ministar, padkreśliŭšy, što Biełaruskaja čyhunka zaŭsiody była prykładam efektyŭnaj i paśpiachovaj arhanizacyi vytvorčaści. «Daroha pavinna pracavać efektyŭna».
U pryvatnaści, jon zapatrabavaŭ razabracca ź nievykanańniem takich pakazčykaŭ, jak ŭzrovień akazanych płatnych pasłuh, budaŭnictva žylla, źnižeńnie impartu. «25 młn ton biełaruskich hruzaŭ pavinny pieravodzicca tańniej i jakaśniej, pieravozčyki, jakija žyvuć za košt našych hruzaŭ, pavinny za našy hruzy zmahacca», -- adznačyŭ premjer-ministar. Jon vystaviŭ pretenzii Ministerstvu transpartu, jakoje nie kantraluje ŭmovaŭ vykanańnia damoŭlenaściaŭ pa pieravozkach, pryvodziačy źmianieńnie ŭ adnabakovym paradku umovaŭ pieravozki biełaruskich hruzaŭ pa ŭkrainskaj terytoryi pry novym ukrainskim uradzie.
Načalnik BČ Uładzimier Žareła paviedamiŭ, što Mintras Biełaruskaja čyhunka pieradała kancepcyju stvareńnia traspartnych lahistyčnych centraŭ i schiemaŭ, realizacyja jakoj dazvolić pravodzić bolš hnutkuju lahistyčnuju palityku.
Pavodle infarmacyi kiraŭnikom BČ, hruzaabarot za paŭhoda skłaŭ 22 młrd 112 młn ton, rost dachodaŭ -- 118,3%, asvojena 235 młrd investycyj, nabyta za paŭhady 7 ciepłavozaŭ 2 dyzielnyja ciahniki, 162 cysterny 685 paŭvahonaŭ i 20 pasažyrskich vahonaŭ.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)