Instytut vyvučeńnia vajny ličyć ataku dronaŭ na Kreml insceniroŭkaj i tłumačyć čamu
Instytut vyvučeńnia vajny (ISW) u svajoj štodzionnaj spravazdačy prychodzić da vysnovy, što ataka ŭkrainskimi dronami Kramla — rasijskaja insceniroŭka.
Analityki ISW nahadvajuć, što rasijskija ŭłady ŭ apošnija miesiacy surjozna ŭzmacniali SPA vakoł Maskvy, tamu małavierahodna, kab dva bieśpiłotniki mahli prarvacca praz šmat słajoŭ supraćpavietranaj abarony.
ISW nahadvaje, što Maskva adrazu pradstaviła padrabiaznuju spravazdaču pra zdareńnie. Jak miarkujuć analityki, takaja chutkaja, zładžanaja i skaardynavanaja reakcyja kaža pra toje, što «ataka rychtavałasia znutry takim čynam, kab zadumanyja palityčnyja nastupstvy pieraviešvali kanfuz».
U vypadkach, kali niepryjemnyja padziei byli dla rasijskich uładaŭ siurpryzam, jany zvyčajna prapanoŭvali tłumačeńni, jakija supiarečać adno adnamu. Mienavita tak adbyvałasia paśla vajennych niaŭdač u Bałaklei i Chiersonie, pišuć analityki ISW.
Analityki prychodziać da vysnovy, što, inscenirujučy ataku na Kreml, ułada sprabavała pakazać rasijskamu nasielnictvu, što vajna blizka i ŭ joj pavinien udzielničać kožny. Insceniroŭka taksama moža pasłužyć padstavaj dla admieny ci mocnaha ŭrazańnia śviatočnych mierapryjemstvaŭ u Dzień Pieramohi 9 traŭnia, što jašče bolš uzmocnić u rasijan adčuvańnie, što žyć pa-raniejšamu niemahčyma.
U ISW miarkujuć, što za hetym mohuć być i inšyja rasijskija apieracyi pad čužym ściaham.
Rasijskaja prapahanda aktyŭna abviarhaje dapuščeńni, što ataka dronaŭ — imitacyja.
«Viersija zachodnich srodkaŭ masavaj infarmacyi ab tym, što ataka bieśpiłotnych latalnych aparataŭ na Kreml była spłanavanaja ŭ Maskvie, ničym nie lepšaja za śmiešnyja śćviardžeńni ab padryvie Rasijaj hazapravodaŭ «Sieviernyj potok» i «Sieviernyj potok-2». Takoje mierkavańnie vykazaŭ amierykanski žurnalist i juryst Hlen Hrynuołd», — piša TASS.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj2
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1212
Kamientary