Zdaryłasia heta 11 listapada. Znajomyja pamierłaj raspaviali, što žančyna 1973 h. n. surjozna prastudziłasia, ale praciahvała chadzić na pracu ŭ kramu «Uschod», dzie jana pracavała kasiram.
U subotu 7 listapada žančynie stała drenna, i jana trapiła ŭ špital. Adnak vyratavać jaje nie ŭdałosia.
Miedyki paćvierdzili śmierć žančyny ad dvuchbakovaj pnieŭmanii, adnak ukazali na toje, što latalny sychod nijak nie źviazany z usploskam zachvorvańnia i situacyjaj sa śvinym na hryp u Biełarusi.
Bolš za toje, lekary adznačyli, što ŭ Baranavičach štohod ludzi pamirajuć ad pnieŭmanii, adnak nie paćvierdzili i nie abvierhli, ci byli takija vypadki ŭ hetym hodzie.
U sanstancyi ža «Intex-press» paviedamili, što statystyku śmiarotnaści ad pnieŭmanii jany nie viaduć, a vypadkaŭ śmierci ad hrypu ŭ hetym hodzie ŭ Baranavičach nie było.
Materyjały pa fakcie śmierci maładoj žančyny ad pnieŭmanii adpravili ŭ łabaratoryju, kab daśledavać ich na najaŭnaść štamu hrypu A/H1N1.
12 listapada svajaki i kalehi raźvitvalisia z pamierłaj. Kasa ŭ kramie, za jakoj jana siadzieła, siońnia nie pracavała, pobač lažać žyvyja kvietki. U pamierłaj žančyny zastalisia dvoje synoŭ.