Znojdzienyja ŭ Polščy abłomki rakiety akazalisia rasijskimi — ŚMI
Pieršyja vysnovy techničnaha instytuta Pavietranych sił Polščy pakazvajuć na toje, što abłomki rakiety, znojdzienyja pablizu horada Bydhašča, — ad rasijskaj Ch-55. Pra heta paviedamlaje «Jeŭrapiejskaja praŭda» sa spasyłkaj na RMF FM.
Instytut VPS robić ekśpiertnaje zaklučeńnie adnosna znojdzienych abłomkaŭ rakiety dla prakuratury Polščy. Sprava atrymała ahałosku ŭ kancy krasavika, kali reštki šmatmietrovaj rakiety znajšoŭ u lesie vypadkovy śviedka.
Zhodna z vysnovami, kryłataja rakieta Ch-55, chutčej za ŭsio, trapiła ŭ Polšču praz uschodniuju miažu.
Heta vyklučaje viersiju, jakaja źjaviłasia nieŭzabavie paśla znachodki abłomkaŭ, pra toje, što pad Bydhaščam znajšli rakietu, vypuščanuju z polskaha palihona, naprykład, padčas vučeńniaŭ abo vyprabavańniaŭ sistem supraćpavietranaj abarony. Polskaja armija nie maje takich rakiet na ŭzbrajeńni.
Kali vysnova aficyjna paćvierdzicca, heta budzie aznačać, što rakieta była vypuščanaja z rasijskaha samalota.
U siaredzinie śniežnia minułaha hoda rasijanie ździejśnili masiravany abstreł ukrainskaj terytoryi. Siarod inšaha jany vykarystoŭvali dla ataki samaloty, jakija bazujucca ŭ Biełarusi.
Z-za źjaŭleńnia taktyčnaha bambardziroŭščyka Su-34 pablizu pavietranaj prastory NATO byli padniatyja ŭ pavietra bajavyja samaloty aljansu. Padčas hetych apieracyj na radarach polskich słužbaŭ źjaviŭsia abjekt, jaki zalacieŭ na terytoryju Polščy z terytoryi Biełarusi.
Polskija słužby adsočvali abjekt, ale stracili jaho z-pad uvahi pablizu Bydhašča. Heta adbyłosia prykładna za dva kiłamietry ad taho miesca, dzie paźniej byli vyjaŭlenyja reštki rakiety.
Krynicy, apytanyja žurnalistami, śćviardžajuć, što pošuki pravodzilisia nieŭzabavie paśla śniežańskaha incydentu, ale byli prypynienyja paśla niaŭdałych sprob, u tym liku z-za składanych umoŭ nadvorja. U toj čas praz Polšču prachodziŭ front z mahutnymi zaviejami.
Polskija ŭłady pakul aficyjna paćvierdzili tolki fakt znachodki «vajskova-pavietranaha abjekta», dadatkovych kamientaroŭ ad polskich čynoŭnikaŭ nie było.
Kaho z palitviaźniaŭ mohuć vypuścić paśla anonsu Łukašenki?3
Kaho z palitviaźniaŭ mohuć vypuścić paśla anonsu Łukašenki?
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»11
Kamientary