Taćcianu Maklacovu, vykładčycu Viciebskaha dziaržaŭnaha technałahičnaha ŭniviersiteta, razam ź jašče niekalkimi kalehami zatrymali 29 krasavika.
Krynicy ŭ Viciebsku paviedamlajuć, što ŭ toj dzień zatrymali ad šaści da vaśmi čałaviek — supracoŭnikaŭ VDTU. Pakul sud adbyŭsia tolki nad spadaryniaj Taćcianaj. Sudździa Pieršamajskaha rajsuda Viciebska Alena Žuk pryznała vykładčycu vinavataj pavodle dvuch artykułaŭ — 19.11 KaAP i 24.23 KaAP. Pa pieršym artykule na žančynu skłali dva pratakoły — za padpiski na dva «ekstremisckija resursy» ŭ fejsbuku, piša «Viciebskaja viasna».
Jašče adzin pratakoł byŭ składzieny za avatarku.
Na avatarcy była «ramka» sa słovami Janki Kupały «ludźmi zvacca». Milicyjanty vykazali pretenzii da biełaha i čyrvonaha koleraŭ vyjavy.
Zhodna z sudovaj pastanovaj, Taćciana Maklacova takim čynam publična vykazała svaje hramadska-palityčnyja intaresy. U vyniku — štraf razam pa dvuch artykułach pamieram 60 bazavych vieličyń (2 200 rubloŭ).
Kalehi raspaviadajuć, što kahości z zatrymanych 29 krasavika adpuścili ŭ toj samy dzień paśla składańnia pratakoła. «Nie pašancavała» tolki Taćcianie Maklacovaj i jašče adnoj supracoŭnicy — 67-hadovaj vykładčycy kafiedry dyzajnu Natalli Tarabuka. Troje sutak žančyny byli vymušanyja pravieści ŭ IČU, a ŭ Viciebsku ŭ hetaj ustanovie «palityčnym» zatrymanym nie dajuć paścielnaj bializny, katujuć uklučanym usiu noč aśviatleńniem.
Praz 72 hadziny žančyn adpuścili, ale Natalla Tarabuka nie zmahła trapić navat na ŭłasny sud, bo apynułasia ŭ špitali. Jana i dahetul znachodzicca na balničnym. Sud niekalki razoŭ pieranosili, apošniaja pryznačanaja data — 13 maja. Spadaryniu Natallu taksama vinavaciać u raspaŭsiudzie tak zvanych ekstremisckich materyjałaŭ.
Asudzić majuć jašče zahadčycu kafiedry kanstrujavańnia i technałohii adzieńnia i abutku kandydata techničnych navuk Natallu Badziała i zahadčycu kafiedry ekanamičnaj teoryi i markietynhu doktarku techničnych navuk Halinu Jašavu.
Ciapier čytajuć
«Mielnikava pazyčała hrošy aktyvistam u Varšavie i nie prasiła viarnuć»5
Kamientary