U pieršuju čarhu novyja vidy rekłamy źjaviacca ŭ padborkach na hałoŭnaj staroncy ź videa, jakija najbolš uciahvajuć. Roliki buduć «vysokavizualnymi» i z QR-kodami dla pierachodu na staronki brendaŭ.
Hledačy buduć bačyć adzin doŭhi rekłamny rolik zamiest dvuch paśladoŭnych 15-siekundnych, ale karotkija abjavy pry hetym nie źniknuć zusim.
Zamović 30-siekundnuju rekłamu možna budzie na YouTube Select — śpiecyjalizavanaj rekłamnaj płatformie, jakaja dazvalaje vybirać i raspaŭsiudžvać rekłamu na kanałach z najbolšaj aŭdytoryjaj.
YouTube paviedamlaje, što 70% pakazaŭ Select prypadaje na televizary, tamu novy farmat daść rekłamadaŭcam mahčymaść pakazvać bolš svaich pasłuh abo praduktaŭ takim čynam, kab heta dazvalała «bolš bahata raskazvać historyi». Na hety momant hety farmat šyroka dastupny ŭ ZŠA i Kanadzie, a ŭ kancy hetaha hoda jon budzie raspaŭsiudžvacca pa ŭsim śviecie.
Zusim niadaŭna YouTube pačaŭ zabaraniać prahlad videa tym, chto karystajecca błakavalnikami rekłamy. Adzinaje vyjście z hetaha — apłata Premium-padpiski.
Čytajcie taksama:
Huhł moža vydać historyju vašych pieramiaščeńniaŭ. Jak abaranić vaš Google-akaŭnt — padrabiazny hajd
Jak pačyścić i abaranić vaš YouTube — padrabiazny hajd
YouTube dazvoliŭ maciukacca: praviły źmiakčyli dla pryciahnieńnia aŭtaraŭ
