Kiraŭnik brytanskaha Minabarony tajemna naviedaŭ Kijeŭ i pieradaŭ pasłańnie Pucinu
Ministr abarony Złučanaha Karaleŭstva Vialikabrytanii i Paŭnočnaj Irłandyi Bien Uoles z rabočym vizitam prybyŭ u Kijeŭ i pieradaŭ pasłańnie Uładzimiru Pucinu. Ź im sustreŭsia ministr abarony Ukrainy Alaksiej Reźnikaŭ.
«My abmiarkoŭvali nataŭskuju pierśpiektyvu Ukrainy ŭ kantekście samitu NATA ŭ Vilni. U tym liku bačańnie Ukrainy pa stabilizacyi śvietu ŭ Jeŭropie, vykarystoŭvajučy formułu miru Uładzimira Zialenskaha», — paviedamiŭ Reźnikaŭ.
Ministry abarony abiedźviuch krain abmierkavali pryjarytety pa ŭzbrajeńni Ukrainy dla dasiahnieńnia pieramohi, piša UNIAN.
«Asabliva ŭ dačynieńni da zbroi, jakaja daje mahčymaść nanosić parazu vorahu na dalokich dystancyjach, naprykład, jak Storm Shadow», — Reźnikaŭ.
U svaju čarhu Uoles zajaviŭ, što Pucin pavinien uśviadomić, što jon nie zmoža atrymać pieramohu ŭ raźviazanaj im vajnie, a padtrymka Ukrainy partniorami budzie zastavacca niepachisnaj.
«Prezident Pucin pavinien uśviadomić, što jon nie moža vyjhrać hetuju niezakonnuju vajnu, jakuju jon raźviazaŭ, niahledziačy na toje, kolki jon adpravić na śmierć rasijskich sałdat dziela svajho eha i impierskich ambicyj. Jon nie dabjecca pośpiechu, a mižnarodnaja supolnaść stanie tolki macniejšaj u supraćstajańni hetaj ahresii», — zajaviŭ Uoles.
Jon padkreśliŭ, što partniory buduć zaŭsiody stajać plačo ŭ plačo z Ukrainaj nie tolki ŭ supraćstajańni ahresii, ale i paśla vajny.
Ciapier čytajuć
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ1
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary