Imunnaja sistema darosłaha čałavieka padrychtavana da baraćby sa śvinym hrypam kudy lepš, čym mierkavałasia raniej.
Padabienstva virusu H1N1 uzoru 2009 hoda da papiarednich «viersijaŭ», što cyrkulavali siarod ludziej z 1957 h., dazvalaje achoŭnym sistemam arhanizmu vykarystoŭvać «imunnuju pamiać», jakaja prytuplaje dziejańnie infiekcyi.
«Prablema śvinoha hrypu vielmi razdzmutaja»
«Hazieta.Ru» padaje roznyja punkty hledžańnia na toje, nakolki strašny śviny hryp i jakija prafiłaktyčnyja miery mohuć prymać hramadzianie, kab nie zachvareć na virus H1N1….
Hrupa navukoŭcaŭ ź Instytuta alerhałohii i imunałohii (Ła Joła, Kalifornija), kampjuternaha centra San‑Dyjeha (Kalifornija) i univiersiteta Techasa praviała paraŭnańnie struktury virusaŭ siezonnaha hrypu, što isnavali pamiž 1988 i 2008 hadami, z novym virusam śvinoha hrypu. Vyniki ich daśledavańnia publikuje Proceedings of the National Academy of Sciences.
Daśledčyki paraŭnoŭvali budovu asobych malekularnych struktur u składzie virusa ‑‑ antyhiennych determinant (epitopaŭ).
Mienavita pa ich imunnaja sistema raspaznaje virus. Źviestki ab epitopach siezonnaha hrypu ŭ ZŠA katałahizavanyja ŭ śpiecyjalnaj bazie źviestak (www.iedb.org). Virusnyja antyhiennyja determinanty raspaznajecca tak zvanymi immunnymi kletkami typu V i typu T. V‑kletki stymulujuć utvareńnie antycieł, jakija mohuć źviazvacca ź virusam i błakavać infiekcyju, a T‑kletki pravodziać «adčužeńnie» paškodžanych virusam kletak.
Analiz strukturnaj bazy źviestak pakazaŭ, što niekatoryja epitopy śvinoha hrypu i bolš rańnich siezonnych hrypaŭ identyčnyja. Hetyja epitopy raspaznajucca dvuma naborami T‑kletak ‑‑ CD4 i CD8, i jany identyčnyja na 41% i na 69%, adpaviedna. Padabienstva epitopaŭ, raspaznavanych V‑kletkami, składaje tolki 31%. Nastupnyja ekśpierymienty z uzorami kryvi, uziatymi ŭ zdarovych darosłych ludziej, pakazali, što «zakansiervavanyja» T‑kletki, znajomyja z hetymi antyhiennymi dieterminantami pa papiarednich epidemijach, lepš abaraniajuć arhanizm i źmianšajuć ciažkaści śvinoha hrypu ŭ vypadku zachvorvańnia.
Adnak vialikaja kolkaść epitopaŭ virusu śvinoha hrypu ŭ značnaj stupieni muciravali i nie padobnyja da epitopaŭ papiarednich «viersij». Niezvyčajnaść situacyi składajecca ŭ tym, što virus H1N1 ŭzoru 2009 maje bolš ahulnaha ź virusami, jakija vyklikali chvaroby ludziej 10‑15 hadoŭ tamu i bolej, čym ź niadaŭnimi virusami.
Mienavita hety fakt, ličać navukoŭcy, tłumačyć toje, što darosłyja ludzi lahčej spraŭlajucca sa śvinym hrypam, a hrupa ryzyki siarod maładych ludziej ŭklučaje nie tolki niemaŭlataŭ, ale i školnikaŭ.
Pavodle statystyki, u ZŠA z krasavika da siaredziny kastryčnika na śviny hryp pierachvareli 22 młn čałaviek (heta kala 7% nasielnictva). Hryp abo jaho ŭskładnieńni stali pryčynaj śmierci 4 tys. čałaviek, ź ich 540 dziaciej. Špitalizacyja spatrebiłasia 98 tys. pacyjentaŭ, ź ich 36 tys. dziaciej. Statystyka pakazvaje (i łabaratornyja daśledavańni paćviardžajuć hetuju statystyku), što hryp ujaŭlaje niebiaśpieku ŭ bolšaj stupieni dla maładych ludziej, tamu ŭ vakcynacyi majuć patrebu mienavita jany. Z‑za adroźnieńniaŭ u struktury virusa śvinoha hrypu i siezonnych virusnych infiekcyj apošnich hadoŭ ich imunnaja sistema nie padrychtavana da baraćby z hetaj chvarobaj: jaje «imunnaja historyja» pišacca z čystaha lista.
Aficyjnaja słužba vakcynacyi ZŠA rekamienduje pryščaplać tolki niekalki katehoryj hramadzian: ciažarnych žančyn; ludziej, jakija znachodziacca ŭ pastajannym kantakcie ź niemaŭlatami da 6 miesiacaŭ, miedpiersanał, dziaciej i maładych ludziej va ŭzroście ad paŭhoda da 24 hadoŭ. Darosłym ludziam (25‑64 hoda) rekamiendujecca rabić pryščepku tolki ŭ vypadku najaŭnaści asablivaha uskładnionaha stanu zdaroŭja, naprykład astmy.
