Minski haradski sud 17 maja abviaściŭ prysud navukovamu supracoŭniku Instytuta hienietyki i cytałohii Nacyjanalnaj akademii navuk, prafsajuznamu aktyvistu Alaksandru Kandraciuku.
Jaho abvinavacili pa troch artykułach Kryminalnaha kodeksa — č. 1 art. 130 (Raspalvańnie sacyjalnaj varožaści albo varažniečy), art. 368 (Abraza Łukašenki) i č. 1 art. 369 (Dyskredytacyja Respubliki Biełaruś).
Spravu razhladała sudździa Anžeła Kaściukievič. Dziaržabvinavaŭca — prakuror Dalidovič, piša «Viasna».
Aktyvista zatrymali razam ź niekalkimi supracoŭnikami Instytuta hienietyki i cytałohii NAN RB 5 vieraśnia 2022 hoda. Jon atrymaŭ 13 sutak administracyjnaha aryštu, ale na volu bolš nie vyjšaŭ. Da suda Kandraciuka ŭtrymlivali pad vartaj ŭ SIZA №1 u Minsku.
Prakuratura patrabavała pakarać aktyvista Svabodnaha prafsajuza Biełaruskaha (SPB) 3,5 hadami pazbaŭleńnia voli.
Sud pryznaŭ jaho vinavatym i pastanaviŭ pakarać pazbaŭleńniem voli terminam na try z pałovaj hoda ŭ kałonii va ŭmovach ahulnaha režymu.
Čytajcie taksama:
Palitźniavolenaja Aksana Zareckaja była ŭ komie — pravaabaroncy
U Minsku sudziać 21-hadovaha Dźmitryja Hudziejeva — jamu pahražaje da 12 hadoŭ kałonii
«Kryčała, viała siabie ahresiŭna». Stała viadoma, što z Alenaj Anisim
