Kiroŭcu sa Śvietłahorska asudzili za raspalvańnie sacyjalnaj varožaści
Homielski abłasny sud razhledzieŭ kryminalnuju spravu žychara Śvietłahorska Uładzimira Adzinca, abvinavačvanaha ŭ raspalvańni sacyjalnaj varožaści albo varažniečy pavodle č. 1 art. 130 Kryminalnaha kodeksa.
Spravu razhladaŭ sudździa Anatol Sotnikaŭ.
Vadziciela śvietłahorskaha kamunalnaha žyllovaha ŭnitarnaha pradpryjemstva «Śvietač» Uładzimira Adzinca zatrymali na pracoŭnym miescy 6 studzienia, pryčym adrazu načapili kajdanki.
Spačatku suprać jaho aformili administracyjnuju spravu, i ŭ sudzie Śvietłahorskaha rajona nakłali aryšt pa artykule 19.11 KaAP — «Raspaŭsiudžvańnie, vyrab, zachoŭvańnie, pieravozka infarmacyjnaj pradukcyi, jakaja ŭtrymlivaje zakliki da ekstremisckaj dziejnaści albo prapahanduje takuju dziejnaść».
Zatym mužčynu vystavili abvinavačańnie pa č. 1 art. 130 Kryminalnaha kodeksa — «Raspalvańnie rasavaj, nacyjanalnaj, relihijnaj albo inšaj sacyjalnaj varožaści ci varažniečy». Nibyta Adziniec pakidaŭ u sacyjalnych sietkach niehatyŭnyja kamientary ŭ adras pradstaŭnikoŭ ułady.
Sud pačaŭsia jašče 19 maja i doŭžyŭsia ź pierapynkami da 5 červienia.
Jak piša «Homielskaja viasna», sud pryhavaryŭ žychara Śvietłahorska da adnaho hoda pazbaŭleńnia voli ŭ kałonii ahulnaha režymu z kanfiskacyjaj mabilnaha telefona.
Kamientary