«U rasijan jašče budzie vielmi šmat pracy ŭ niervovaj, isteryčnaj abstanoŭcy». Kiryła Budanaŭ prakamientavaŭ čutki pra svajo ranieńnie
Kiraŭnik Hałoŭnaha ŭpraŭleńnia raźviedki Ministerstva abarony Ukrainy Kiryła Budanaŭ prakamientavaŭ u razmovie z vydańniem Kyiv Post paviedamleńni rasijskich miedyja pra svajo ciažkaje ranieńnie.
Pavodle Budanava, «ciapier va Ukrainie stvarajecca śpiecyjalny atrad nieśmiarotnych pałkavodcaŭ i kamandujučych».
«U hety atrad uvachodziać Valeryj Załužny, ja, Ściapan Bandera, Symon Piatlura, Ivan Maziepa. Tamu ŭ rasijan jašče budzie vielmi šmat pracy ŭ niervovaj, isteryčnaj abstanoŭcy. Atrad nieśmiarotnych budzie ŭnačy prychodzić u sny da rasijskich abyvacielaŭ, jakija chacieli zachapić Ukrainu, i ich kašmaryć», — skazaŭ Budanaŭ.
Rasijskija prapahandysty paviedamili pra čarhovy nibyta fienamienalny pośpiech svaich vajskoŭcaŭ i śpiecsłužbaŭ 15 červienia. Pavodle ich, Kiryła Budanaŭ byŭ ciažka paranieny rasijskaj rakietaj jašče 29 maja.
17 červienia prezident Ukrainy Uładzimir Zialenski zajaviŭ, što Budanaŭ udzielničaŭ u pasiadžeńni vajennaha kabinieta, jakoje adbyłosia napiaredadni.
Raniej rasijskaja prapahanda (a za joj i biełaruskaja) ciaham maja zapuskała infarmacyju pra toje, što spačatku nibyta zahinuŭ, a paśla byŭ ciažka paranieny hałoŭnakamandujučy USU Valeryj Załužny. Jon sapraŭdy nie źjaŭlaŭsia na publicy niekalki tydniaŭ, ale 25 i 26 maja źjaviŭsia i na fota, i na videa.
«Kali šalony dyktatar addaść zahad — kidajcie zbroju. Inakš adzinaje, što vas čakaje, — heta śmierć». Na ŭkrainska-biełaruskaj miažy prahučaŭ zvarot pałka Kalinoŭskaha da biełaruskich vajskoŭcaŭ
Ukrainskaje Minabarony havoryć pra ciažkuju situacyju na ŭschodzie
«Nivodny Patriot va Ukrainie nie źniščany». Zialenski abviarhaje Pucina
«Heta pytańnie času, ale treba saśpieć». Pucin zahavaryŭ pra adziny parłamient i valutu Biełarusi i Rasii7
«Heta pytańnie času, ale treba saśpieć». Pucin zahavaryŭ pra adziny parłamient i valutu Biełarusi i Rasii
Biełaruskija biznesmieny śpiešna pradajuć doli ŭ svaich polskich transpartnych kampanijach. Što adbyvajecca?2
Kamientary