U Polščy dvuch biełarusaŭ buduć sudzić za špijanaž. Im pahražaje da 10 hadoŭ turmy
Dva biełarusy adkažuć pierad sudom za špijonskuju dziejnaść na terytoryi Polščy. Adździeł pa vajskovych spravach akruhovaj prakuratury ŭ Poznani zaviaršyŭ rasśledavańnie ich spravy i vynies abvinavaŭčaje zaklučeńnie, paviedamlaje RMF24.
Nacyjanalnaja prakuratura Polščy paviedamiła, što padazravanych zatrymali ŭ krasaviku 2022 hoda. Pavodle vynikaŭ śledstva, jany prybyli ŭ Polšču pad vyhladam pracy ŭ jakaści kiroŭcaŭ.
«Na padstavie materyjałaŭ słužby vajskovaj kontrraźviedki i materyjałaŭ, sabranych padčas prakurorskaha rasśledavańnia, ustanoŭlena, što pad vyhladam pracy ŭ Polščy biełarusy brali ŭdzieł u dziejnaści vajskovaj raźviedki. Mužčyny źbirali infarmacyju ab Uzbrojenych siłach Polskaj Respubliki i infrastrukturnych abjektach, krytyčna važnych dla abarony krainy», — havorycca ŭ paviedamleńni krajovaj prakuratury.
Biełarusy dziejničali na terytoryi zachodniaj Polščy, zasiarodziŭšysia na zbory infarmacyi ab Uzbrojenych siłach, a taksama hramadzianskich kampanijach, źviazanych z transpartam i łahistyčnaj dziejnaściu, jak raskazaŭ reparcioru RMF FM prakuror Łukaš Vaŭžyniak.
Pa chadajnictvie prakurora adździeła pa vajskovych spravach akruhovaj prakuratury Poznani ŭ dačynieńni da padazravanych z momantu ich zatrymańnia prymianiajecca miera strymańnia ŭ vyhladzie časovaha aryštu.
Mužčynam pahražaje da 10 hadoŭ pazbaŭleńnia voli.
Ciapier čytajuć
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ1
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary