Na minułym tydni prezident Polščy Lech Kačyński ŭznaharodziŭ ordenami «Za zasłuhi pierad Polščaj» roznych stupieniaŭ pradstaŭnikoŭ dysidenckaha ruchu krain byłoha Savieckaha Sajuzu.
Siarod uznaharodžanych byli hramadzianie Ukrainy, Litvy, Estonii, Hruzii. Usie jany padtrymlivali partniorskija ci siabroŭskija stasunki z polskaj «Salidarnaściu» ŭ 1980‑yja hady.
Siarod tych, chto musiŭ atrymać uznaharodu taksama siabra KCHP‑BNF Valery Bujvał. U niadzielu jon taksama prysutničaŭ u Varšavie, ale orden tak i nie atrymaŭ. Pavodle polskaha pratakołu, dla ŭznaharodžvańnia patrebnaja zhoda kiraŭnictva krainy, dzie žyvie łaŭreat. Pakul dazvołu ad Łukašenki niama.
Sam spadar Bujvał admaŭlajecca kamientavać hetyja padziei: «Uznaharodzili tych ludziej, jakich my daŭno viedajem, ź jakimi supracoŭničali. Heta hodnyja ludzi. Što datyčyć majho ŭznaharodžvańnia, to kamientavać heta nie budu, bo padzieja jašče nie adbyłasia. Čamu nie adbyłasia? Tut lepš źviarnucca ŭłasna da palakaŭ», — kaža V.Bujvał.
U padobnaj situacyi apynuŭsia i rasijski pravaabaronca i žurnalist Alaksandr Padrabiniek. Łaski ad Miadźviedzieva jon taksama nie dačakaŭsia. U svaim błohu Padrabiniek pryniaŭ rašeńnie admovicca ad uznaharody, kali dla jaje atrymańnia patrebnaja zhoda «dyktataraŭ i nielehitymnych prezidentaŭ inšych krain».
Valery Bujvał
naradziŭsia ŭ 1955 h. u horadzie Vyšni Vałačok Ćviarskoj vobłaści (Rasija). U 1956 h. siamja viarnułasia ŭ rodny Homiel. U 1977 h. skončyŭ fakultet teoryi i historyi mastactva Instytuta žyvapisu, skulptury i architektury imia Repina Akademii Mastactvaŭ u Sankt‑Pieciarburzie. U 1977‑89 h.h. pracavaŭ navukovym supracoŭnikam i zahadčykam adździeła ŭ Nacyjanalnym mastackim muziei Biełarusi ŭ Miensku. Siabra Biełaruskaha sajuza mastakoŭ. Daśleduje biełaruskaje i zachodniejeŭrapiejskaje mastactva. Pierakładaje ź jeŭrapiejskich movaŭ tvory mastackaj litaratury i mastactvaznaŭstva. U Biełaruskim Narodnym Froncie «Adradžeńnie» z kastryčnika 1988 h.
