Vahnieraŭcy ŭ Rastovie tak naškodzili cyrku, što jon musić stać na ramont
«Situacyja, jakaja skłałasia siońnia, ciahnie za saboj niemahčymaść praviadzieńnia hastrolaŭ cyrkavych prahram da likvidacyi ŭsich nastupstvaŭ», — paviedamiŭ Rasdziaržcyrk u adkaz na zapyt, dasłany jamu rehijanalnaj redakcyjaj «Kamsamolskaj praŭdy».
Padčas miaciažu bajcoŭ PVK «Vahnier» 23 červienia fasad cyrka zabłakavaŭ tank, a ŭ samim budynku raźmiaścilisia vahnieraŭcy.
Ciapier ža, kali pryjšoŭ čas padličyć straty, śpiecyjalna stvoranaja kamisija zafiksavała paškodžańni dźviarej, voknaŭ i ŭvachodnych hrup budynka i aceńvaje škodu. Paśla hetaha «śpiecyjalizavanaja arhanizacyja» paličyć košt ramontu, a ŭžo tady cyrk budzie vyznačacca, dzie brać finansavańnie na praviadzieńnie rabot.
Kamientary