Śviet55

Suprać ruchu Ukrainy ŭ NATA vystupaje Hiermanija — Bild

Unutrany dakumient niamieckaha ŭrada paćviardžaje, što ŭrad kanclera Ołafa Šolca błakuje pastanovu na karyść Ukrainy adnosna jaje šlachu ŭ NATA. Pra heta paviedamlaje vydańnie Bild sa spasyłkaj na dakumient i na ludziej, znajomych z chodam pieramoŭ, piša «Jeŭrapiejskaja praŭda».

Fota: Thierry Monasse / Getty Images

Udzielniki pieramoŭ ź liku krain NATA ciaham niekalkich dzion uzhadniali vynikovy dakumient samitu Aljansu ŭ Vilni. Pavodle infarmacyi vydańnia, u toj čas jak mnohija dziaržavy na čale z Francyjaj, Vialikabrytanijaj i Polščaj vystupajuć za zaprašeńnie dla Ukrainy, jak tolki pačnie dziejničać režym spynieńnia ahniu z Rasijaj, da apošnich vychadnych Hiermanija i ZŠA nie padtrymlivali taki płan.

Zamiest hetaha Bierlin i Vašynhton zaklikali prytrymlivacca Płana dziejańniaŭ pa siabroŭstvie ŭ NATA, užo sfarmulavanaha dla Ukrainy ŭ 2008 hodzie. Hety płan praduhledžvaje šmatlikija kroki i ŭmovy, jakija Kijeŭ pavinien byŭ by vykanać, pierš čym atrymać zaprašeńnie ŭ NATA.

U toj ža čas, zhodna z kanfidencyjnym dakumientam niamieckaha ŭrada, ZŠA «zajavili ab svajoj zhodzie admovicca ad Płana dziejańniaŭ pa siabroŭstvie dla Ukrainy «pry ŭmovie praviadzieńnia dalejšych reformaŭ».

«My chacieli prapanavać Ukrainie finskuju madel, heta značyć ustupleńnie na praciahu niekalkich miesiacaŭ, jak tolki skončacca bajavyja dziejańni», — zajaviŭ vydańniu nienazvany dypłamat.

U procivahu hetamu ŭ dakumiencie niamieckaha ŭrada havorycca pra toje, što ŭrad Šolca «nie pahodzicca ni na jakija farmuloŭki, jakija b stvarali ŭražańnie «chutkaha treka» dla ŭstupleńnia Ukrainy». Ab «pierahladzie rašeńnia Bucharesta 2008 hoda» dla ŭrada Hiermanii «nie moža być i havorki».

Tamu Hiermanija nie ŭsprymie «ni zhadki pra zaprašeńnie», ni zhadki pra «zakonnaje miesca Ukrainy ŭ NATA» ŭ vynikovym dakumiencie Aljansu. Urešcie, Bierlin «hatovy razhladać kampramisnyja farmuloŭki» adnosna budučaha ŭstupleńnia Ukrainy ŭ NATA, «choć umovy dla hetaha jašče nie vykanany».

«Tamu nie vyklučana, što niamiecki ŭrad pahodzicca i na admovu ad Płana dziejańniaŭ pa siabroŭstvie, nie zhadžajučysia, adnak, na praktycy na paskorany pryjom Ukrainy (fast track) pa zaviaršeńni vajny», — piša vydańnie.

Vydańniu taksama stała viadoma, što ŭ paniadziełak uviečary pierahavorščyki Hiermanii i inšych dziaržaŭ źbiarucca ŭ Vilni i pasprabujuć jašče raz znajści kampramis pa Ukrainie da pryjezdu kiraŭnikoŭ dziaržaŭ i ŭradaŭ. «U horšym vypadku kiraŭniki ŭradaŭ pavinny buduć sami padklučycca da pieramoŭ u aŭtorak», — skazaŭ adzin z dypłamataŭ.

Kamientary5

  • Anton
    10.07.2023
    Jak hetyja niemcy zadałbali
  • Maks
    10.07.2023
    Kakoje NATO, razvorujut tam vsie. Korrupcija i kumovstvo.
  • Arni
    10.07.2023
    Tolki idyjet nia bačyć vidavočnaha, što šolc na praciahu ŭsiaho kanflikta imkniecca dapamahčy pucinu: adciahvaje pastaŭki ŭzbrajeńnia, nakładaje veta na pastaŭki i tak dalej - robić usio dziela taho kab rasieja paśpieła lepš uzbroicca.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Ceny na kvitki ŭ Vilniu ŭražvajuć. Čamu dabracca da Litvy našmat daražej, čym da Varšavy i Maskvy

Ceny na kvitki ŭ Vilniu ŭražvajuć. Čamu dabracca da Litvy našmat daražej, čym da Varšavy i Maskvy

Usie naviny →
Usie naviny

Rasija naroščvaje vytvorčaść «šachiedaŭ» i nieŭzabavie zmoža zapuścić 2000 za adnu noč11

U Italii 78-hadovy mužčyna «ažyŭ» praz 30 chvilin paśla spynieńnia serca4

U Ciumienskaj vobłaści «hieroj SVA» zabiŭ svaju žonku ŭ dzień viasiella11

«Chacieŭ vyratavać chacia b niejkuju kolkaść ludziej». Dačka biełarusa, zatrymanaha pa spravie «Biełaruskaha Hajuna», raskazała pra baćku6

«Nievierahodny śpiektakl kryvadušnictva». Dźmitryj Hurnievič aburyŭsia ažyjatažam vakoł skandału na kancercie Coldplay25

Biełaruskaja handbalistka budzie hulać za zbornuju Rumynii

Dla biełaruskaha fiestyvalu vyrabili trochmietrovy chot-doh FOTAFAKT9

Miasajedskaja dyjeta — u jakich vypadkach jana dapamahaje3

U Polščy znajšli vialikaje radovišča nafty i pryrodnaha hazu17

bolš čytanych navin
bolš łajkanych navin

Ceny na kvitki ŭ Vilniu ŭražvajuć. Čamu dabracca da Litvy našmat daražej, čym da Varšavy i Maskvy

Ceny na kvitki ŭ Vilniu ŭražvajuć. Čamu dabracca da Litvy našmat daražej, čym da Varšavy i Maskvy

Hałoŭnaje
Usie naviny →

Zaŭvaha:

 

 

 

 

Zakryć Paviedamić