Hrupa biełaruskich alpinistaŭ zaprasiła dapamohu pry spusku z Elbrusa
Ratavalniki MNS Rasii 11 lipienia rušyli na dapamohu hrupie turystaŭ u Kabardzina-Bałkaryi. Pra heta paviedamiła pres-słužba viedamstva.
![](http://nnexpictures.fra1.digitaloceanspaces.com/img/w732d4webp1/photos/z_2023_07/elbrus_from_shatgatmaz-gtwqe.jpg.webp)
Dvum udzielnikam hrupy ź piaci pry spusku z hary Elbrus na vyšyni 5300 mietraŭ stała drenna. MNS pa Kabardzina-Bałkaryi pieradaje, što ŭsie piaciora turystaŭ — hramadzianie Biełarusi.
«Pa stanie na 20:45 turystyčnaja hrupa praciahvaje spusk z hary. Majecca suviaź z hrupaj… Aryjencirovačny čas prybyćcia ratavalnikaŭ — praz 1,5−2 hadziny», — paviedamili ŭ MNS Kabardzina-Bałkaryi ŭ 22:04.
Na miesca idzie vosiem śpiecyjalistaŭ Elbruskaha vysakahornaha pošukava-vyratavalnaha atrada MNS Rasii. Ratavalniki trymajuć suviaź z turhrupaj. Pa miery mahčymaści vandroŭniki spuskajucca sami.
Padobny vypadak adbyŭsia 23 maja. Tady z hrupaj biełaruskich turystaŭ prapała suviaź, ale praź dzień ich znajšli na vyšyni 3800 mietraŭ i evakujavali viertalotam.
Kamientary