U Biełarusi źjaviłasia jašče adno «ekstremisckaje farmavańnie». Ciapier ich 137
Ministerstva ŭnutranych spraŭ pryznała hrupu «Karniki Maładziečna» «ekstremisckim farmavańniem». Rašeńnie MUS pryniało 7 lipienia.
U «ekstremisckaje farmavańnie» ŭvachodziać dva telehram-kanały pad nazvami «Karniki Maładziečna» i «Karniki i prykarytniki Pinska», a taksama telehram-akaŭnt «apazicyja» i bot «Narodny Mściviec».
«Hrupa hramadzian ažyćciaŭlaje ekstremisckuju dziejnaść u tym liku z dapamohaj telehram-resursaŭ «Karniki Maładziečna», «Karniki i prykarytniki Pinska», «Fajli — śpisy miantoŭ Biełarusi* Lists of OMON/militia etc.», «Info_Udar»», — havorycca ŭ paviedamleńni MUS.
Abodva telehram-kanały bolš za hod nie abnaŭlajucca. Jość imaviernaść, što siłaviki zatrymali kaho-niebudź z administrataraŭ i ciapier vyrašyli ŭnieści kanał u śpis.
Usiaho ŭ Biełarusi 137 arhanizacyj i miedyja pryznanyja ekstremisckimi farmavańniami. Dziejańni ich zasnavalnikaŭ, kiraŭnikoŭ i ŭdzielnikaŭ mohuć paciahnuć da siami hadoŭ pazbaŭleńnia voli.
-
Biełarus u Litvie praz sud dakazaŭ, što jon nie pahroza nacyjanalnaj biaśpiecy
-
«Paprasiŭ pažyć jašče miesiac, a jany…» Byłoha palitviaźnia Jermašuka vysialajuć z šełtara «Bajchełpa»
-
Propaviedź Z-baciuški i reabilitacyja Paŭlika Marozava. Jak u Śviata-Jelisaviecinskim manastyry vučać padletkaŭ patryjatyzmu
Kamientary