Palitviazień Hieorhij Vasilenka vyjšaŭ na volu. Jon źniaŭ čyrvona-zialony i ŭźniaŭ bieł-čyrvona-bieły ściah
Sud daŭ jamu dva hady «chimii», a potym jaho sudzili jašče raz.
U listapadzie 2021 hoda palitźniavolenamu prysudzili dva hady «chimii» za «chulihanstva» (č. 2 art. 339 KK). Padstavaj dla kryminalnaj spravy stała toje, što 16 žniŭnia 2020 hoda na centralnaj płoščy Lenina ŭ Homieli Hieorhij spuściŭ z fłahštoka dziaržaŭny ściah i padniaŭ bieł-čyrvona-bieły, paviedamlaje «Viasna».
A 15 lutaha 2022 hoda Hieorhij byŭ zatrymany druhi raz. Pa materyjałach abvinavačańnia, znachodziačysia pa miescy adbyvańnia pakarańnia ŭ papraŭčaj ustanovie adkrytaha typu, Vasilenka raźmiaściŭ u hrupavym čacie paviedamleńni, jakija źmiaščajuć abrazy ŭ adras Łukašenki ŭ łajankavaj formie.
Sudździa Viktar Kazačok pakaraŭ Vasilenku pazbaŭleńniem voli ŭ kałonii ahulnaha režymu terminam 1,5 hoda.
A z ulikam nieadbytaha raniej pakarańnia kančatkova palitviaźniu było pryznačana pazbaŭleńnie voli terminam adzin hod i siem miesiacaŭ. 10 lipienia Hieorhij vyjšaŭ na volu, całkam adbyŭšy termin.
Kamientary