«Da niekatorych dahetul jeździać prasić ab vylečvańni». Minčanka stvaryła pryhožyja paštoŭki z vyjavami vałunoŭ
Minčanka Ksiuša niekalki hadoŭ tamu skončyła himnaziju-kaledž mastactvaŭ, a ŭ jakaści dypłomnaha prajekta zrabiła sieryju paštovak, pryśviečanuju znakamitym vałunam Biełarusi, piša CityDog.io.
Temu dypłomnaha prajekta Ksiuša prydumała absalutna vypadkova. U toj čas, kali va ŭniviersitecie ŭsie musili dać svaje idei na temu dypłoma, u jaje nie było nivodnaj dumki na hety kont. I ŭ toj ža dzień, viartajučysia dadomu, jana vypadkova natknułasia na zvyčajny kamień la darohi. Tady i źjavilisia dumki pra stvareńnie cełaha prajekta ab kamianiach:
«Ja raskazała pra svaju zadumku dypłomnaj kiraŭnicy, jakaja adrazu ž uchvaliła płan. Jana skazała, što heta budzie cikavy prajekt, dzie ja zmahu praz kamiani raskazać i pra historyju Biełarusi, i zakranuć šmat inšych tem. Naprykład, pa vałunach navukoŭcy mohuć razabracca ŭ sprečnych pytańniach ab abledzianieńni, ab raźmiaščeńni ledavikovych patokaŭ, ab napramkach i chutkaściach ich ruchu ŭ staražytnyja časy».
Dla biełarusaŭ kamiani — heta jašče i kultavyja hieałahičnyja pomniki pryrody. Ich na terytoryi Biełarusi naličvajecca niekalki tysiač. Bolšaja častka kultavych vałunoŭ viadomaja tolki vuzkamu kołu krajaznaŭcaŭ, i da hetaha času mnohija vialikija kamiani nie vyvučany. Pry hetym kožny taki vałun na samaj spravie maje svajo imia i lehiendu, kožny zachoŭvaje niejkuju svaju tajamnicu.
Prajekt składajecca ź dziesiaci paštovak, na jakich hrafična vyjaŭlenyja važnyja dla Biełarusi kamiani
Na kožnaj z paštovak namalavany niejki važny biełaruski vałun, ich admietnyja elemienty i nazva. Z advarotnaha boku kartki znachodziacca lehiendy i cikavyja fakty, źviazanyja z hetymi kamianiami.
«Usiu infarmacyju pra kamiani ja šukała ŭ internecie i ŭ knihach. Jeździła ŭ muziej vałunoŭ u Minsku, kab pahladzieć na niekatoryja ź ich užyvuju. Adzin z samych cikavych ekspanataŭ tam — Dzied-vałun. Jon nie taki vialiki pa pamiery, jak niekatoryja inšyja vałuny, zatoje adzin z samych znakamitych na terytoryi Biełarusi. Kažuć, što ludzi da hetaha času prychodziać da jaho prasić zdaroŭja i vyrašać svaje prablemy.
Dalej pa płanach — manietyzavać prajekt
Pa słovach Ksiušy, jana vybrała farmat paštovak dla svajho prajekta nie vypadkova. Na jaje dumku, heta samy prosty suvienir, jaki možna kupić. A infarmacyja na kartkach moža dać šturšok dla dalejšaha vyvučeńnia kamianioŭ i historyi rodnaha kraju.
Niahledziačy na vialiki pierapynak paśla zdačy svajoj dypłomnaj pracy, mienavita ciapier dziaŭčyna płanuje manietyzavać svoj prajekt: stvaryć sieryju natatnikaŭ abo kalendaroŭ i raspaŭsiudžvać ich siarod suvienirnych kram.
Akaŭnt Kabančuka ŭzłamali — ale ci biełaruskija śpiecsłužby?11
Kamientary
Heta taho samaha "pryniaćcia" kali "Prypiać była čyrvynoja ad kryvi" ? Pišyyje ŭžo narmalna - brutalnaha nasadžeńnia i prymusu.