Polskija sałdaty stajać la mašyn z rakietnymi ŭstanoŭkami HIMARS na avijabazie ŭ Varšavie. Fota AP Czarek Sokołowski
Polskaja armija całkam adnović 1-ju rakietnuju bryhadu, jakuju asnaściać dalnabojnymi amierykanskimi RSZA HIMARS. Jak dniami adznačyła Minabarony Polščy, bryhada budzie raźmieščana bližej da Biełarusi i Kalininhradskaj vobłaści Rasii.
Adnym ź miescaŭ dysłakacyi novaj rakietnaj bryhady budzie horad Ožyš, jaki znachodzicca amal za 140 kiłamietraŭ ad Hrodna. Pry hetym dalnabojnaść ustanovak HIMARS tam budzie składać da 300 kiłamietraŭ.
Plus da ŭsiaho było padpisana rašeńnie ab stvareńni śpiecyjalnaj akademii HIMARS, jakaja budzie navučać artylerystaŭ u tym liku z sajuznych krain NATA.
«My ŭžo bačyli, na što zdolnyja HIMARS va Ukrainie. Polšča zmoža skarystacca hetym kudy bolš efiektyŭna, tym samym abaraniŭšy krainu ad uvarvańnia luboha ahresara. Tamu my adnaŭlajem našu 1-ju rakietnuju bryhadu, jakaja była raspuščana jašče ŭ 2005 hodzie, a taksama adkryvajem akademiju HIMARS dla navučańnia našych śpiecyjalistaŭ i vajskoŭcaŭ krain Bałtyi», — zajaviŭ ministr abarony Polščy Maryjuš Błaščak.
Nahadajem, što zusim niadaŭna Błaščak zajaviŭ ab stvareńni novaha sapiornaha bataljona, jaki budzie dadatkova abaraniać Suvałkski kalidor ad mahčymych pahroz z boku vahnieraŭcaŭ u Biełarusi.
Čytajcie taksama:
Pad Asipovičami pabudavali novy anhar dla «Iskanderaŭ» — FAS
Staŭ viadomy kirunak asnoŭnaha ŭdaru ŭkrainskaha kontrnastupu
«Bai pad Zaparožžam i Bachmutam — heta nie paŭtor Pieršaj suśvietnaj, a vysadka ŭ Narmandyi»
