Biełaruskija vajskoŭcy dapamahajuć mihrantam pieraadolvać aharodžy na miažy — namieśnik ministra
Biełaruś zabiaśpiečvaje mihrantaŭ abstalavańniem dla pieraadoleńnia aharodžaŭ na polskaj miažy, paviedamiŭ u tvitary ŭpaŭnavažany ŭrada Polščy pa biaśpiecy infarmacyjnaj prastory Stanisłaŭ Žaryn.
Pa jahonych słovach, situacyja na miažy Polščy ź Biełaruśsiu zastajecca napružanaj, a «napady na polskich pamiežnikaŭ — achoŭnikaŭ i sałdat — z boku hrup ahresiŭnych zamiežnikaŭ adbyvajucca štodnia».
«Biełaruskija śpiecsłužby nie tolki dastaŭlajuć mihrantaŭ u pamiežnuju zonu, ale i dajuć im abstalavańnie dla nielehalnaha pierachodu (leśvicy, bałtarezy) i šturmu polskich pamiežnikaŭ (kamiani, cehłu)», — adznačyŭ Žaryn.
Jak pierakanany namieśnik ministra, «praciahvajecca hibrydnaja apieracyja sa stymulavanym, štučnym mihracyjnym ciskam», i Polšča «padviarhajecca pastajannym napadam». Jon taksama ličyć, što heta «častka rasijskaha płana destabilizacyi Jeŭropy, u pryvatnaści ŭschodniaha fłanha NATA».
Ciapier čytajuć
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ1
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary