Papłaŭskaja i Cichanovič — samyja papularnyja śpievaki Biełarusi 8

Siarod hurtoŭ najbolš znanyja — «Pieśniary» i «Siabry».

Hramadskaja kampanija «Budźma biełarusami!» u supracy z łabaratoryjaj aksijamietryčnych daśledavańniaŭ «NovAK» i Biełaruskim instytutam stratehičnych daśledavańniaŭ prezientavała daśledavańnie «Čym nam hanarycca: histaryčnaja pamiać, nacyjanalnyja hieroi i brendy vačami sučasnych biełarusaŭ».

U jaho miežach sacyjołahi spytali ludziej pra ich lubimuju muzyku. Adno z pytańniaŭ datyčyłasia samych papularnych vykanaŭcaŭ.

Pieršaje miesca atrymała Jadźviha Papłaŭskaja (8%), amal stolki ž u jaje muža Alaksandra Cichanoviča.

Za imi iduć bolš maładyja pradstaŭnicy šoŭ-biznesu — Iryna Darafiejeva i Alesia. Jany majuć pa 7,5%. Praŭda, samym častym adkazam byŭ: «Nichto». Jaho abrali 38% respandentaŭ. Uvohule ž

u dziesiatcy lubimych vykanaŭcaŭ čaćviora — z savieckich časoŭ.

Kali ž havorka idzie pra lubimyja hurty, nie mohuć dać adkazu 40% apytanych. Pieršaje miesca zajmajuć «Pieśniary» (40%), «Siabry» (18%), srebrany miedal u «Vierasoŭ» (8%). Na nastupnych prystupkach spynilisia «Tiani-tołkaj» (4,7%), «J:Mors» (4,3%), «Lapis Trubieckoj» (3,9%).

N.R.M. nazvali ŭsiaho 1,58% apytanych. Jak bačym, hurty, zamoŭčvanyja na telebačańni, viedaje tolki mienšaść nasielnictva.

Jahor Marcinovič

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH