Hetyja miery nakiravanyja na adekvatnaje reahavańnie na hieapalityčnuju situacyju i pahrozu nacyjanalnaj biaśpiecy, a taksama na praduchileńnie kantrabandy tavaraŭ, paviedamlaje partał Delfi.
Napiaredadni Dziaržaŭnaja pamiežnaja słužba krainy abviaściła ab «dadatkovaj mabilizacyi» pamiežnikaŭ z-za «rezkaha ŭzmacnieńnia hibrydnaj pahrozy» na miažy ź Biełaruśsiu.
Łatvija, Litva i Polšča stali prymać terminovyja miery pa ŭzmacnieńni svaich miežaŭ, bajučysia pravakacyj paśla raźmiaščeńnia ŭ Biełarusi PVK «Vahnier».
U pačatku lipienia prezidenty hetych krain źviarnulisia ź listom da Hienieralnaha sakratara NATA i kiraŭnikoŭ krain Aljansu z zaklikam pryniać miery pa supraćdziejańni pahrozam, jakija iduć ad Rasii i Biełarusi.
Premjer-ministr Polščy Matevuš Maraviecki ŭ pačatku žniŭnia paviedamlaŭ, što, pavodle acenak Polščy i Litvy, u Biełarusi znachodzicca blizu 4000 najmitaŭ z PVK «Vahnier», jakich možna vykarystoŭvać dla pravakacyj.
U vypadku surjoznaha incydentu z udziełam najmitaŭ PVK «Vahnier» Polšča, Litva i Łatvija mohuć adnačasova zakryć svaje miežy ź Biełaruśsiu, papiaredžvali raniej ułady hetych krain.
Čytajcie taksama:
Litva pastaviła na miažy ščyty z papiaredžańniami pra ryzyki pry pajezdkach u Biełaruś
Premjer Litvy zajaviła pra miechanizm zakryćcia miažy ź Biełaruśsiu
