Alaksandr Hleb sabraŭ u škołu dačku-pieršakłaśnicu. Ci chapiła rekamiendavanaj čynoŭnikami sumy?
Biełaruskija čynoŭniki miarkujuć, što dla taho, kab adzieć dzicia ŭ škołu, sioleta dastatkova i 100 rubloŭ. «Aryjencirovačny košt kamplektaŭ adzieńnia dziełavoha stylu i abutku składaje ad 98 biełaruskich rubloŭ. Košt aptymalnaha naboru školnika — da 300 rubloŭ», — kazała na pres-kanfierencyi načalnica ŭpraŭleńnia arhanizacyi handlu i hramadskaha charčavańnia MARH Natalla Mielnikava.
Vyrašyli pahladzieć, ci takoj sumy dastatkova na prykładzie dački biełaruskaha futbalista Alaksandra Hleba. Śviatłana Hleb, jaho žonka i błohierka, pakazała svaim padpisčycam u Instagram ubory, nabytyja dla dački-pieršakłaśnicy. Padličyli prykładny košt školnaha šopinhu.
Śviatłana vybrała dla dački adzieńnie brenda Choupette. Heta rasijski brend adzieńnia, abutku i aksiesuaraŭ dla dziaciej.
Atrymalisia dva školnyja vobrazy: pieršy — sarafan i błuzka z karotkim rukavom, a druhi — klatčastaja spadnica, błuzka z doŭhim rukavom i ciopłaja kamizelka. Dapaŭniajuć łuki holfy i ciomnyja tufliki.
U minskaj kramie heta kaštuje prykładna tak:
— sarafan — 240 rubloŭ (ale ciapier na hetu madel źnižka 30%);
— kamizelka — 160 rubloŭ;
— błuzka z doŭhim rukavom — ad 98 rubloŭ;
— spadnica — 139 rubloŭ;
— błuzka z karotkim rukavom — 76 rubloŭ;
— holfy — 19 rubloŭ;
— tufliki — ad 200 rubloŭ.
U internet-kramach niekatoryja z hetych rečaŭ možna znajści tańniej.
Atrymlivajecca, što na toje, kab adzieć dačku-pieršakłaśnicu, u siamji Alaksandra Hleba pajšło kala 860 rubloŭ. Kali ličyć kožny vobraz asobna, to atrymajecca ahulny košt pieršaha vobraza 463 rubli, a druhoha — 616.
Kaniečnie, nazyvajučy ličby školnaha šopinhu, čynoŭniki aryjentavalisia na siemji ź siaredniestatystyčnym dachodam, a nie topavaha ŭ minułym futbalista.
Ciapier čytajuć
«Staŭleńnie jak da skaciny». Prarasijski błohier raskazaŭ pra 25 sutak ŭ IČU6
«Staŭleńnie jak da skaciny». Prarasijski błohier raskazaŭ pra 25 sutak ŭ IČU
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1515
Kamientary