«Skažu bieź lišniaha pafasu: za Łukašenku ja hatovy pamierci». Małady parłamientaryj nazvaŭ siabie elitaj i paabiacaŭ stajać da kanca

Azaronak u svajoj pieradačy na Staličnym telebačańni pahutaryŭ ź Mikitam Račyłoŭskim, staršynioj Moładzievaha savieta (parłamienta) pry Nacyjanalnym schodzie Biełarusi. Hety orhan byŭ stvorany ŭ lipieni 2022 hoda. Kali ŭ pieršym «sklikańni» naličvałasia 70 «parłamientaryjaŭ», to skład druhoha padvoiŭsia. Ciapier tam 138 čałaviek.

Mikita Račyłoŭski zaŭvažyŭ, što ŭ hetuju strukturu vypadkovy čałaviek nie patrapić. Za kožnaha paručajucca rajonnyja i haradskija saviety deputataŭ, jakija i delehujuć kandydataŭ u Moładzievy parłamient.

Račyłoŭski siarod inšaha patłumačyŭ, jak «parłamientaryi» pracujuć z toj moładździu, jakaja ŭdzielničała ŭ pratestach, jak adbyvajecca «vypraŭleńnie praz usio hramadstva». 

«Kali my sustrakajemsia z moładździu, to zaŭsiody prosim administracyju, kab na sustrečy byli nie tolki aktyvisty, nie tolki «biełyja kaŭnieryki», 30 čałaviek siadzieła, a kab pa mahčymaści ŭsia aktavaja zała była, jak havorycca, zabitaja ludźmi i kab siarod ich byli ŭsie płasty dadzienaj ustanovy adukacyi. My časta bačym, jak nam sadžajuć aktyvistaŭ, zahadzia padrychtavanyja pytańni. I my havorym tolki sa svaimi. Tamu my vystupajem za toje, kab nie stvarać hetaj pakazuchi.

Pasadzicie tych, chto nie stabilny, chto pad pytańniem, chto maje niejkija apazicyjnyja pohlady, chto jašče nie vyznačyŭsia. Niachaj jon nam zadaść pytańnie. My na jaho adkažam. Niachaj navat pytańnie budzie pravakacyjnym. Lepš niachaj jon jaho nam zadaść, a nie telehram-kanału, dzie jaho zrazumiejuć, padtrymajuć, ź ciepłynioju prymuć. A my ich, atrymlivajecca, ad siabie adhaniajem.

Zrazumieła, što jany na nas kryŭdziacca, dumajuć: «Tam elitka sabrałasia. Zakrylisia. Pamiž saboju kamunikujuć. A z nami bajacca, ci nie chočuć mieć stasunkaŭ».

Jany adčuvajuć siabie druhim hatunkam, adčuvajuć, što na ich heta kliše. I na ich staić kryž.

Tamu my nie paviny ni ŭ jakim razie hetaha pakazvać i kali pryjazdžajem, to prosim sadžać samuju składanuju moładź».

Azaronak spytaŭsia ŭ Račyłoŭskaha, ci nie baicca moładź taho, pra što kažuć prychilniki pieramien: što pieražyvuć ciapierašni režym i daviadziecca adkazvać za svaje dziejańni.

Račkoŭski zaŭvažyŭ, što, mahčyma, jość takaja moładź, jakaja baicca, ale jon takich ludziej nie viedaje i moža skazać u pieršuju čarhu ad svajho imia i imia svaich kaleh z Moładzievaha parłamienta:

«Pa-pieršaje, niachaj pasprabujuć da nas pryjści, niešta jašče zrabić dla taho, kab niešta zrynuć, kab moładź našaha ŭradu pastavić na kaleni.

Pa-druhoje, kali raptam niejkim čynam składucca ich brudnyja fantazii i tak atrymajecca, što moładzi daviadziecca adkazvać za dziejańni siońniašniaj ułady, to my z zadavalnieńniem adkažam. My nie ŭciačom.

Kali treba, ja skažu bieź lišniaha pafasu, niachaj historyja mianie rassudzić, za svajho prezidenta ja hatovy pamierci, i maje ludzi taksama. Tut ničoha strašnaha niama.

Jak žyćcio składziecca, tak i budzie. Ale my dobra razumiejem, što zrobim usio mahčymaje, kab u ich hetaha nie atrymałasia. Ale kali heta i zdarycca, my da apošniaj kropli kryvi budziem stajać za svaju krainu i dakładna žyvymi jany nas nie voźmuć».

Čytajcie jašče:

Łukašysty patrabujuć čystak i represij na histfakach u VNU

• 7
• 0
• 45
• 75
• 2
• 1
• 17
• 0