Minskaje «Dynama» zmahło pierarvać sieryju paražeńniaŭ u čempijanacie Kantynientalnaj chakiejnaj lihi. U piatnicu viečaram chłopcy Alaksandra Andryjeŭskaha akazalisia macniej maskoŭskich «spartakaŭcaŭ».
Matč nahadvaŭ zabłytany tryler. Tolki adna kamandy vychodziła napierad, jak supierniki adrazu ž ich dahaniali. Prasačycie, jak raźvivaŭsia lik: 1:0 — 1:1 — 2:1 — 2:2 — 2:3 — 3:3 — 4:3 — 4:4 — 4:5 — 5:5.
U našych zakidvali Michaloŭ, Antonienka, Płet, Šafarenka, Mialeška.
U kancoŭcy «Dynama» było bližej da pieramohi, ale nie zmahło skarystać kolkasnuju pieravahu. U oviertajmie zakinutych šajb nie było.
A bulity lepš vykanali našy — trapnyja kidki na rachunkach Chiuvieniena i Mialeški.
Ciapier minskaje «Dynama» maje 37 punktaŭ paśla 31 hulni i dzielić 9‑10 miescy z ryžskim «Dynama» ŭ Zachodniaj kanfierencyi.
Nastupnuju hulniu minčanie praviaduć 7 śniežnia doma z taljacinskaj «Ładaj».
0
0
0
0
0
0
