Kontrvyviedka SBU atakavała aeradrom u rasijskim Kursku ŭ noč na 27 žniŭnia. Tam raźmiaščajucca samaloty i srodki SPA. Pra ataku «RBK-Ukraina» raspaviali krynicy ŭ Słužbie biaśpieki Ukrainy.
Jak paviedamlajuć krynicy vydańnia, drony-kamikadze adpracavali pa čatyroch samalotach Su-30 i adnym MiH-29. Taksama siarod paražonych celaŭ — radary kompleksu S-300 i dva «Pancyry».
Amal usie bieśpiłotniki SBU dalacieli da svaich celaŭ, pavodle papiaredniaj infarmacyi, tolki try ź ich byli źbityja srodkami SPA Rasii, piša «RBK-Ukraina».
«Miarkujučy pa tym, što navat sami rasijanie zafiksavali jak minimum 13 vybuchaŭ, «bavoŭna» atrymałasia ŭražalnaj. Dakładnyja nastupstvy paražeńniaŭ i kolkaść zahinułych i paranienych daviedajemsia najbližejšym časam», — dadali ŭ SBU.
Za apieracyjaj stajali vajskovyja kontrraźviedčyki z 13-ha Hałoŭnaha ŭpraŭleńnia SBU.
Hetaj nočču ŭ Kursku prahrymieli vybuchi. Miascovyja žychary ŭ sacsietkach paviedamlali, što taksama čuli aŭtamatnyja čerhi. Paźniej u siecivie byli apublikavanyja kadry z momantam vybuchu, na ich zafiksavana jarkaja ŭspyška ŭ načnym niebie.
Hubiernatar Kurskaj vobłaści paćvierdziŭ, što Kursk sprabavali atakavać dronami. Adnak jon zajaviŭ, što tolki nibyta adzin dron trapiŭ u šmatpaviarchovik.
-
Rasija ŭdaryła pa Kryvym Rohu: 4 zahinułyja, 14 paranienych
-
Pamiatajecie staršyniu Hieraldyčnaj rady, jakaja raspracoŭvała dyzajn pašparta «Novaj Biełarusi»? Mikita Zabuha pajšoŭ vajavać
-
Minčuk Žerar, kamandzir padraździaleńnia «Tur», raskazaŭ, jak adnojčy ledź nie zahinuŭ pad Mikałajevam, a druhi raz — pad Bachmutam
Ciapier čytajuć
Fiodar Viktaravič i «Viktar Fiodaravič». Supracoŭnik «Varhiejminha» maje pašpart prykryćcia. Jaho žonka Volha Siamaška — viadomaja žurnalistka25
Kamientary