Pradprymalnik ź Biełarusi Ihar Machaniok stvaryŭ inviestfond dla startapaŭ mihrantaŭ u ZŠA
Hrošy pojduć na finansavańnie startapaŭ, jakija pierajazdžajuć u ZŠA. U spravie i zasnavalniki PandaDoc, piša dev.by.
Vienčurnaja kampanija Geek Ventures IT-pradprymalnika rodam ź Biełarusi Ihara Machańka abviaściła pra zapusk inviestfondu z kapitałam 23 młn dalaraŭ. Fond budzie inviestavać u startapy mihrantaŭ, jakija pierajazdžajuć u ZŠA, paviedamlaje TechCruch.
— Ja chaču stvaryć mahčymaści dla dziŭnych talentaŭ, jakija naradžajucca va ŭsim śviecie, — kaža pra zadačy prajekta Ihar Machaniok.
Jon robić akcent na tym, što pryjezdžym pradprymalnikam vielmi składana ŭbudavacca ŭ sistemu vienčurnaha kapitału ŭ ZŠA.
IT-pradprymalnik pačaŭ zbor srodkaŭ jašče ŭ kastryčniku 2021 hoda, aznačyŭšy metu ŭ $15 młn. Ale cikavaść vyjaviłasia vyšej za čakanaje, tak što da červienia hetaha hoda sabrali $23 młn.
Geek Ventures padtrymlivaje hrupa inviestaraŭ, u tym liku zasnavalniki PandaDoc Mikita Mikada i Siarhiej Barysiuk, zasnavalnik i hiendyrektar Applovin Adam Faruhi, Decile Capital Premier Fund I.
Kampanija ŭžo ŭkłała hrošy ŭ 35 startapaŭ. U płanach — inviestavać u adnu ci dźvie kampanii na miesiac. Usiaho ž fond źbirajecca zrabić 60 inviestycyj pamieram ad 50 tysiač da 1 młn dalaraŭ.
Kaho z palitviaźniaŭ mohuć vypuścić paśla anonsu Łukašenki?3
Kaho z palitviaźniaŭ mohuć vypuścić paśla anonsu Łukašenki?
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»11
Kamientary