Žychary Ziamli zmohuć ubačyć kamietu Nišymura niaŭzbrojenym vokam
Kaśmičny abjekt maksimalna nablizicca da našaj płaniety 12 vieraśnia (aŭtorak).
Astranomy raspaviali pra novuju źjavu, jakuju zmohuć nazirać žychary Ziamli, piša Tochka.by.
Akazvajecca, 12 vieraśnia da Ziamli maksimalna padydzie kamieta Nišymura, jakuju adkryli tolki ŭ pačatku žniŭnia.
Kaśmičny abjekt nablizicca da našaj płaniety na adlehłaść 125 miljonaŭ kiłamietraŭ, a ŭ načnym niebie jaho možna budzie ŭbačyć niaŭzbrojenym vokam.
Śpiecyjalisty padkreślivajuć, što lepš za ŭsio hladzieć na novuju kaśmičnuju źjavu na dośvitku (za hadzinu da śvitańnia) nad uschodniaj častkaj haryzontu. Adznačajecca, što kamieta Nišymura budzie bačnaja na bolšaj častcy Jeŭrazijskaha kantynienta.
Jak znajšli?
Kamieta była adkrytaja japonskimi daśledčykami ŭ noč na 12 žniŭnia ŭ suzorji Bliźniaty.
Centr małych płaniet prysvoiŭ joj nazvu C/2023 P1, a paśla da jaje dadałosia Nišymura ŭ honar navukoŭca, jaki zrabiŭ heta adkryćcio.
Adznačajecca, što 12 vieraśnia budzie maksimalnaje zbližeńnie kamiety ź Ziamloj, a voś užo 17 vieraśnia Nišymura projdzie pieryhielij — najbližejšy da Sonca punkt (33 młn km), a niezadoŭha da hetaha apyniecca ŭ pieryhiei — na minimalnaj adlehłaści ad Ziamli.
Kamientary