Łukašenka nie pajedzie na siesiju Hienieralnaj asamblei AAN u ZŠA
Ministerstva zamiežnych spraŭ vydała paviedamleńnie ab udziele delehacyi ad Respubliki Biełaruś u 78-j siesii Hienieralnaj Asamblei AAN. Jaje ŭznačalić ministr zamiežnych spraŭ Siarhiej Alejnik.
78-ja siesija Hienieralnaj Asamblei AAN projdzie z 19 pa 24 vieraśnia. Zvyčajna na jaje zaprašajucca kiraŭniki ŭsich dziaržaŭ, i mnohija navat samyja adyjoznyja palityki časta vykarystoŭvajuć hetuju trybunu, kab asabista raskazać, kudy jany viaduć svaje krainy. Ale Łukašenka ŭ ciapierašniaj situacyi jeździć na Zachad nie ryzykuje, jak i Uładzimir Pucin. Rasiju na forumie budzie taksama pradstaŭlać ministr zamiežnych spraŭ Siarhiej Łaŭroŭ.
Delehacyja ad Łukašenki, jak anansujecca, źbirajecca svaju ŭvahu «zasiarodzić na zadačach pa prasoŭvańni kansalidujučaha i stvaralnaha paradku dnia, jaki padkreślivaje mirny charaktar našych nacyjanalnych pryjarytetaŭ, supraćdziejańni inicyjatyvam, nakiravanym na padryŭ nacyjanalnych intaresaŭ našaj krainy».
Taksama ŭ AAN Alejnik budzie havaryć pra «adnabakovyja prymusovyja miery, u pryvatnaści, ich niehatyŭny ŭpłyŭ na ŭstojlivaje raźvićcio asobnych krain, cełych rehijonaŭ, suśvietnuju ekanomiku i handal, ich supiarečnaść mižnarodnamu pravu».
Vystupleńnie Alejnika z trybuny AAN čakajecca 23 vieraśnia.
17—23 vieraśnia Ńju-Jork źbirajecca naviedać i Śviatłana Cichanoŭskaja, u prahramie vizitu jakoj taksama zapłanavany ŭdzieł u padziejach Hienasamblei AAN. Cichanoŭskaja źbirajecca siarod inšaha sustrecca z šeraham upłyvovych palitykaŭ.
«Ja musiła hladzieć miesca dla ludziej, jakija pierachodziać miažu. Što moža pajści nie tak?» Dramatyčnaja historyja aryštu Alesi Bunievič5
«Ja musiła hladzieć miesca dla ludziej, jakija pierachodziać miažu. Što moža pajści nie tak?» Dramatyčnaja historyja aryštu Alesi Bunievič
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka75
Kamientary
U nieho odin maršrut: "Pitier--Moskva-Soči".
Da i niečieho nieobrazovannomu mrakobiesu diełať sriedi civilizovannych, normalnych ludiej.