U Biełaviežskaj puščy ŭpieršyniu vyjavili samuju maleńkuju kvietkavuju raślinu ŭ śviecie
Supracoŭnikami navukovaha adździeła Biełaviežskaj puščy pry praviadzieńni palavych daśledavańniaŭ u Karalova-Mastoŭskim laśnictvie była vyjaŭlenaja samaja maleńkaja kvietkavaja raślina na Ziamli — volfija bieskaraniovaja. Pra heta paviedamlaje sajt Nacyjanalnaha parku, padkreślivajučy, što «heta novy dla fłory Biełaviežskaj puščy vid, jaki raniej tut nie fiksavaŭsia».
![](http://nnexpictures.fra1.digitaloceanspaces.com/img/w732d4webp1/photos/z_2023_09/1_frg-7-s0jik.jpg.webp)
Volfija bieskaraniovaja, ci pa-navukovamu Wolffia arrhiza (L.) Horkel ex Wimm., — samaja maleńkaja vodnaja kvietkavaja raślina na našaj płaniecie, «takaja raślina-liliput». Vonkava jana vyhladaje jak drabniutkija sakavita-zialonyja, ledź vyciahnutyja «šaryki», jakija pamieram mienšyja za 1 milimietr.
![](http://nnexpictures.fra1.digitaloceanspaces.com/img/w732d4webp1/photos/z_2023_09/2_frg-5-haqpj.jpg.webp)
U volfii jość mikraskapičnyja kvietki, chaj prymityŭnyja i nieprykmietnyja, ale samyja sapraŭdnyja i paŭnavartasnyja. Praŭda, va ŭmovach Biełarusi ćvicieńnia hetaha vidu pakul nie adznačałasia.
![](http://nnexpictures.fra1.digitaloceanspaces.com/img/w732d4webp1/photos/z_2023_09/3_frg-bqoi7.jpg.webp)
Volfija — raślina ŭ Biełarusi davoli redkaja, jana sustrakajecca tolki na samym poŭdni Biełarusi — u Bresckaj i Homielskaj abłaściach. U Čyrvonaj knizie Biełarusi jana ŭniesienaja ŭ śpis raślin, jakija majuć patrebu ŭ prafiłaktyčnaj achovie.
![](http://nnexpictures.fra1.digitaloceanspaces.com/img/w732d4webp1/photos/z_2023_09/5_frg-wwuez.jpg.webp)
Mižnarodny sajuz achovy pryrody taksama ŭklučyŭ jaje ŭ svoj śpis vidaŭ, jakija znachodziacca pad pahrozaj źniknieńnia (IUCN Red List) u katehoryju LC. Heta značyć vid, jaki vyklikaje najmienšuju aściarohu.
![](http://nnexpictures.fra1.digitaloceanspaces.com/img/w732d4webp1/photos/z_2023_09/4_frg-8tv2m.png.webp)
Kamientary