Respublikancy prapanujuć źnizić zarobak kiraŭniku Pientahona da adnaho dalara
Pretenzii da Łojda Ościna źviazanyja, naprykład, z «žachlivym vyvadam vojskaŭ z Afhanistana» i z abaviazkovaj vakcynacyjaj vajskoŭcaŭ ad karanavirusa.
Zakonaprajekt, u jaki ŭnieśli papraŭku ab pazbaŭleńni Łojda Ościna zarobku, naŭrad ci projdzie hałasavańnie ŭ Sienacie, piša Deutsche Welle.
Pałata pradstaŭnikoŭ ZŠA, jakuju ŭznačalvajuć respublikancy, pryniała papraŭku ab źnižeńni zarobku ministra abarony Łojda Ościna da 1 dalara za miesiac.
Aŭtaram inicyjatyvy vystupiła kanhresvumien Mardžary Tejłar Hryn, jakaja zajaviła, što jaje pretenzii da kiraŭnika Pientahona źviazanyja, naprykład, z «žachlivym vyvadam vojskaŭ z Afhanistana» i z abaviazkovaj vakcynacyjaj vajskoŭcaŭ ad karanavirusa.
Papraŭka była pryniataja zhodna z tak zvanym «praviłam Chołmana», jakoje dazvalaje kanhresmienam źnižać zarobak kankretnym fiederalnym słužačym. Dakumient abmiarkoŭvaŭsia ŭ ramkach štohadovaha zakonaprajekta ab vydatkach na abaronu, kančatkovaje pryniaćcie jakoha zapłanavana na 28 vieraśnia. Pry hetym sama Mardžary Tejłar Hryn zajaviła, što budzie hałasavać suprać hetaha zakonaprajekta praz uklučanyja ŭ jaho vydatki na dapamohu Ukrainie.
Jak adznačaje NYT, małaimavierna, što zarpłata Ościna i sapraŭdy budzie ŭ vyniku źnižana da 1 dalara, bo zakonaprajekt ab vajskovych vydatkach «amal napeŭna» nie projdzie hałasavańnia ŭ Sienacie, dzie, jak čakajecca, jon sutykniecca z dvuchpartyjnaj apazicyjaj.
Kali Kanhres da kanca vieraśnia nie ŭzhodnić prajekt biudžetu, nastupić tradycyjny šatdaŭn — prypynieńnie dziejnaści ŭrada.
Ad BNF da HRU. Chto takaja Natalla Sudlankova, jakoj čechi zahadali pakinuć krainu27
Kamientary