«Jon vielmi ścipły čałaviek». Hiendyrektar «Biełaruśfilma» miarkuje, što pryjšoŭ čas źniać film pra Łukašenku
Niahledziačy na supraciŭ Alaksandra Łukašenki, hiendyrektar «Biełaruśfilma» hatovy ryzyknuć i pačać abmierkavańnie z kalehami stvareńnia filma.
«Napeŭna, užo padychodzić hety čas», — zajaviŭ jon u intervju na telekanale STB prapahandystu Ryhoru Azaronku, piša Reform.by.
U kancy intervju Azaronak zadaŭ «samaje składanaje pytańnie».
«Prezident nie lubić i nie ŭchvaliŭ by taki prajekt — jon vielmi ścipły čałaviek. Ale dla siabie, ja, naprykład, zadumvaŭsia pra takoje, dla siabie zadumvalisia pra film pra prezidenta?» — spytaŭ Azaronak-małodšy.
«Viedajecie, my dumajem, ja taksama dumaju, i mnie zdajecca, heta nieabchodna zrabić. Čałaviek, jaki zrabiŭ hetuju krainu, čałaviek, jaki viadzie biełarusaŭ voś mienavita hetym šlacham. My žyviem va ŭnikalny čas. Ja liču, što, napeŭna, užo padychodzić hety čas, kali, moža być, my sumiesna z vami, z našymi kalehami budziem abmiarkoŭvać i mahčymaść, i nieabchodnaść hetaha. Ja baču, što heta, napeŭna, užo treba nam», — zajaviŭ hiendyrektar «Biełaruśfilma».
U cełym usio intervju było pryśviečana ideałahičnamu składniku ŭ pracy kinastudyi. Juryj Alaksiej zajaviŭ, što miesca apazicyjanieram na «Biełaruśfilmie» niama.
«Biezumoŭna. My — «Biełaruśfilm» — z našym prezidentam, z našaj dziaržavaj, i my, jašče raz ja chaču skazać, my pravodzim i palityku našaj dziaržavy. Heta adlustroŭvajecca ŭ našych filmach jak dakumientalnych, tak i mastackich. Tamu, ja liču, kultura — nieadjemnaja častka dziaržaŭnaj palityki», — skazaŭ jon.
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary